لا تخاف من الزمــــــــــان ..!

[عزوف]

المشاركة الأصلية كتبت بواسطة الباشا

الأخت القديرة
عزوف

كتبتي وابدعتي نحو ما صادفك من منظر يحزن له القلب
في هذا العصر الذي نشاهد فيه اغرب الأمور تحدث وكأنها
تحدثت للصدفة ..

نسأل الله أن يجعلنا من البراين بوالدينا

موضوع قيم وهادف فيه الكثير من العبر
سملت يداك على ما كتبتي

البـــــــــــــــاشا

شهاده اعتـــــــــــز فيها من اخ عزيز


سعيده جدا بحضورك وسعدت اكثر بحروفك

شكرا

[جرحــ ..الورد..]

صراااحه جذبتني طريقة كتابتش للموووضووع عن جد وااااااااو
المووهييم وش سالفة الشيبااان ليكووون يطروون يا قلبييييييييى
الحل يا اوخيتي تلحقين امش اكيد هي المتصله ..

[عزوف]

المشاركة الأصلية كتبت بواسطة الجلمود

والله انش قلبتي مخي



مشكوره اختي الفاضله الله يسامحش

اللـــــــــــه يسامح الجميع

الجلمــــــــــــــود

اسعدني مرورك وشاكره لك الرد

[عزوف]

المشاركة الأصلية كتبت بواسطة عجميه&كووول

اختي الغالــــيه،،
عزوف

بصراحه الاسلوب روووعه
وبنفس الوقت غير مباشر

وعسى الله ان يبارك لك في أبنائك
ويجعلهم قرة اعين لك،،

ارق التـحــــاآآيــــاآآ..
اختش،، عجميه&كووول

عجميــــــــــه كول

مرور ورد حده كـــــــــــــــول

شكرا على الدعوه اتمنى ان الله يرزق الجميع يا غلاي

[عزوف]

المشاركة الأصلية كتبت بواسطة جرحــ ..الورد..

صراااحه جذبتني طريقة كتابتش للموووضووع عن جد وااااااااو
المووهييم وش سالفة الشيبااان ليكووون يطروون يا قلبييييييييى
الحل يا اوخيتي تلحقين امش اكيد هي المتصله ..

جرحـ الورد << الورد يجرح !! مووومهييييم

الله يبارك بهالطريقه اللي خلتني اتشرف بحضورج ياغلاي

للاسف نعـــــــــــــــــم


اكيـــــــــــــد بلحق امي بلحــــــــــــق نفسي معها !!! << اتهقين يمديني !!


جرحــ الورد

لاتحرمين صفحاتي من تواجدك الجميل بليـــــــــــــــــــــــز

[دااانة البحرين]

المشاركة الأصلية كتبت بواسطة عزوف

وعليكم السلام ورحمة الله وبركاته

دانــــــــــــــــه

عن جد عن جد عن جد مرورج هو الاروع

تسلميــــــــــــن على هالدعوه يا الغاليه وعسا لج منها نصيب ان شاء الله

والـلـــــــــــــــه يا دانـــــــــــــــه

للاسف كانوا يطــرون "يشحذون " انقهرت وبجيت وما وصلت للغاليه الا وانا قاضيه من البجــــــــــي ما قلتلكم خبلــــــــــــــــــــه !


بانتظار عودتك يا غلاي ,,, أقــــــــــول سلمي على فريد ,,,

السلام عليهم





((عــزووووووووووووووف))

ياعمري عليها الحساسه



عاد تصدقين ما قاموا يأثرون فيني هالأشكال
من كثر ماشفت وأنصدمت قبل كنت حدي أتأثر وازعل >>> عاد ياشيني إذا اندمجت أنا

بعطيج نبذه من تاريخي بالبحرين مع الطراروه خو بره البحرين حدث ولاحرج



يختي شكلي أجذبهم مادري ليش
يحسسوني الشيخه سبيجه ماره عليهم >>> زوجة الملك

لو نكون مجموعه يوقفوني أنا

مواقف تصير وأنا اعطي : واحد يقولي حرام عليج يايبه ليش تعطينه الحين بيروح يسكر فيهم
واللي وأنا اعطيه يقوله اي روح أبني لك بيت ثاني

>> لاحظي كلمة بيت 2



عزوووووف بقولج عن اخر طرارين واجهتهم




بالسوق وكان زحمة العيد واحد ستايله اماراتي واااالله شكله شيييييييييخ
وراي من مكان لي مكان قلت والله اذا كلمني ناديت اخواني له
جان ادخل محل جان يدخل وراي وزحمه المحل

الا كلامه بحريني مكسر
يقولي انا فقير محتاج ويخربط ويخربط >>> طلع باكستاني
وأنا منحرجه اللي بالمحل الكل يشوفون فيني أقول بقلبي انت يالشييييخ طلعت طراااااااااااااااار الله ياخذك مايسوى علي كل هالمطاردات على دينارين






موقف اخر
نازله من السياره الا فلسطينيه وقفتني
اقول بقلبي يحليلهم الزلامات مضيعين يبوني ادليهم >>> على نيتها
الا عطتني اسطوانة انا فقيره ، محتاجه وتأشر على ولدها وتقول انها تربي يتيم

بعدها والله بيومييييين
بمجمع السيف وقفتني فلسطينيه ثانيه تشبها (اظن اختها) ونفس اليهال عندها ونفس الاسطوانه
ألتفت الا الثانيه واقفه بعيد ماتت فشيله لما شافتهم موقفيني



موقف اخر
عاد هذا قطع قلبي
كنت تدريب بمدرسه ابتدائيه
كل يوم بالفسحه كنت لازم اوزع على التلميذات المحتاجات 100 فلس
والله وأنا اعطيهم وأشوف نظرتهم مكسوره .. اقول بقلبي حسبي الله على اهلج اللي مخليج تمدين يدج على 100 فلس
كله ولا يوم اوزع عليهم معونة الشتاء ماقدرت اوقف والله تركتهم وطلعت عورني قلبي
والله كااااشخين مو محتاجين ... وأقول للمشرفات اللي معاي مو محتاجات شوفيهم ... تقول دام كاتبين أهلهم محتاجه بالاستماره لازم نعطيهم




والله على قد ماشفت منهم صرت استحقرهم
بصراحه انحاط نفسي ،،،، المحتاج مايمد يده الله ماكثر المؤسسات الخيريه والاعانات
الحين اذا اشوف احد قاعد بالأرض واعرفهم مو محتاجين
ودي انزل اقوله : يالشيبه يالعيبه استح على ويهك
تدري انك بتحشر يوم القيامه منزوع اللحم عن ويهك



عاد تخيليني نازله اقول جذي


تعرفين لو ترجعين نفس المكان وتشوفينهم قاعدين بتستحقرينهم والله
لكن اذا كان صج عازه ليوم ومدوا يدهم ... الله يكون بعونهم ويرزقهم من عنده يارب

فريد يعذر عن الاطاله >> طقتها عليه

[عزوف]

يا

صبـــاح الأنوار

ويـــا

صبـــــاح الخير

والخيــــــر كله بوجهج ياغلاي


ما شاء الله سجلج حافـــــل

اقول الشيخه

انا معاج ان الكثير يستغل سذاجة وطيبة الكثير ويمتهن هذه المهنه !



انا مو حساسه أنا خبلــــه

ودمعتي بطرف رمشي


لكــــــن من النادر جدا عندنا بالكويت تحصلين بدو"" يطرون مو عن شي لكن عن جد نادرا

دايما يكونون من بلدان عربيه ماودي اذكرها


لكـــــن اللي خلاني أكتب هالموضوع وأثـــــر فيني أشكالهم

كانوا كبار بالعمر المره مبرقعه وشكل الزمن مذوقها المر مو بس الفقـــــر لا أعتقد الجحود أو غيره أشياء اخرى

والشايب كان كبير وعليه بشته وقاعد عالارض جد حاله كسيفه

والله من شفتهم وانا خايفـــــه ومتضايقه من شنو مادري

بــــــس هانت على اشياء كثيره كنت امر فيها وقلت

الحمــــــدلله والشكر

يسعدني تواجدك

وتسعدني أكثر عودتج

بجد الحوار معاج له طعم ثاني

سلمي على فريد وقولي له الموضوع وصاحبته من فداياك والله

[سعد بن سريّع]

/
/


اسم صعب في عالم الكتابات
انا لا ابالغ ان قلت ان هناك حرفنة منك فالكتابه
دائما نجد او نقراهدف الكاتب يغطي الرقعه الكبيره من المقال
ولكن الجميل في هذه المعزوفه انه الهدف مر كالطيف الجميل ..

دمتي في حفظ الله ورعايته

الغناوي

[عزوف]

الغنـــــــاوي

مرورك أسعدنــــــي بشكل لا يمكنك تخيله

أما

عن الإشاده والمدح ,,

فشكــــــــرا لك

وأتمنى ان أكــــــــــون أستحقها ,,

دمت بمثلــــــــــــــه أخي الكريم

[ملكة الاحزان]

الله يعطيش العافيه ولاهنتي بس مافهمت شي راسي مصدع وانتي زودتي الطين بله
بس احلى شي القيلوله
تقبلي مروري