|
يا زوع قلبي زوع طير الرياحي
قصتنا مع الشاعر .. ظافر بن مفلح بن بتال الخييلات الدوسري
حيث لم يرزق هذا الشاعر بالأولاد إلا بعد ما تجاوز عمره 70 سنه .. وأول ما جاله ولد .. اللي هو مفلح .. ذهب مع امه لخواله آل بريك في وادي برك وعمره لم يتجاوز الشهرين .. وطالت مدة أقامته هناك .. فأخذ الشاعر تضربه الهواجيس والتفاكير .. حيث في ذاك الزمان لم تكن وسائل الأتصال الحديثة موجودة .. فكان يسهر الليل لا ينامه خوفاً إن يكون قد اصاب ولده مكروه .. الذي ما رآه إلا وقد كسا لحيته البياض ... فأخذ ينشد هذه القصيدة .. ويزهم فيها ولد اخوه محمد بن ناصر أن يذهب لوادي برك ويأتي بولده مفلح من هناك.. يقول فيها :
يارب احفظ مفلحٍ يوم راحي =قفى مع الرسده وقلبي يباريه
الله يحفظه بالمساء والصباحي =يالله يارب تقود الرجاء فيه
عقبه قلبي يشتغل ما استراحي =والعقل جعل ما يبين الخمل فيه
من لامني جعله على الجنب طاحي =يمسي ويصبح كاثراتٍ مشاكيه
ما شفته إلا وقد بي الشيب لاحي =الروح قفى ما بقى إلا تواليه
اقفوا بزرع القلب مني وراحي =نرجي الله وارجي القلب وارجيه
اشكي على اللي من طيور الفلاحي =محمد يا جعل الانذال تفديه
من عقب أخوك مفيلحٍِ يوم راحي =واشوف قلبي كاثراتٍِ طواريه
الا يابن اخوي افهم ترى السد باحي =والصبر ما احتلته ولا ني مجديه
قرب من اللي يقطع ٍ السماحي =اللي إلا منه زمن البعد يطويه
توايره بيلون والقير صاحي =من مصنعه ويقال ما بدلوا فيه
سواقها متقدم ٍ في النجاحي =لا خل به شيء فلاهوب خافيه
يا زوع قلبي زوع طير الرياحي =من بين عج ٍ وبين حوم ٍ صفق فيه
قام يتقلب في الخضيرا وراحي =وراعيه صاح ويرفع الصوت ويدعيه
تغانموني واعجلوا والفلاحي =ما دام قلبي قاضباته عراويه
__________________
انا سلالة تغلب فخر العرب *** من لابةٍ تسقى العدو الأمرار
التعديل الأخير تم بواسطة العماني ; 13-09-2004 الساعة 03:24 PM
|
13-09-2004, 03:15 AM
العرض العادي
