ملعنه في ملعنه ,, حنا عيال شيوخ وعيال عقدا

[حـــوران]

الســــلام عليـكم

هذه قصيــدة تذكـرنا إن الشعـر مازال بخــير

قصيـدة ذات دفع الرباعي , ومن الوزن الثقيـل بمعانيها وأفكــار شاعرها

وموجهه لــ ضيدان بن قضعــان

/
؛
/

ياصاحبي ضيدان ياسقم العدا=هذا الجفا من يام ولا من إقحطان؟
جاوب عنْه وإلا لاتسئلني عنه=خله رهين المحبره واقلامها

:

وليا نشدْك الوقت عنّه قل: غدا= في سلة النسيان يالله المستعان
لكنْ ياضيدان كم لك من سنه؟= وانته ذلولك مافصل درهامها.!

:
وكم رحلة ٍ يابو تركي راحت سدا= تحث ركبك من مكان ليا مكان
على الظروف القاسيّه والليّنه=لين افطرت دنياك عقب صيامها

:


خل السيول تسيل وتشوف الندا= مابه زمان أخيَر من هاذا الزمان
والميسره ماهيب مثل الميمنه=حث القدم .. واعط الذلول اخطامها

:

ترا الهبوب تهب وأحيان تهدا=واحيان تلدغ مثل لدغ العقربان

(وليا إنفرت لو الديوس محيّنه=ماعاد يشفون البدو في ريامها)

:

لكن في ذمْتك من (كبش الفدا)؟= في عيد الاضحى ولاّ في عيد رمضان

وليا اجتمع من كل وحده عيّنه=لاتشتبه في لحْمها وعظامها

:

ومن هنا موضوعنا الثاني بدا=(إن كان حنا مثل ماكنا اخوان)
على الامور الخافيه والبيّنه=رغم الخشوم اللي يطق عرامها

:

وحنا خلقنا الله بعيدين المدا=وخذنا من الدنيا تجارب وامتحان
وقت ٍ خذا منّا ولا خذنا منْه=(الا بياض وجيهنا واكرامها)

:

عدواننا في كبودهم منا صدا=وصدقاننا نضمن لها الحشمه ضمان
والطهبله , والجمهره , والهيمنه=(محققين اهدافنها قدامها)

:

(حنا عيال شيوخ وعيال عقدا= بدري ينافسنا الضعيّف والجبان)
وإن كان راحت ملعنه في ملعنه= شرهة رفارفها على صدامها

للوزن الثقيل

سلـــطان بن محمد بن وسّــام