قالوا علامك شارد الفكر.. محتـاس.=قلت الفكر شارد من اسباب مضنـون
أبعد .. وانا بعده مـن مقابـل النـاس=أبعِد .. وانا وحدي في ذا الدار مغبون
أشره على حظي وأصفَق بالأخمـاس=وآقول ياليته.. وياكيـف.؟ وشلـون.؟
ماعاد بي قوه.. ولاعـاد بـي بـاس=يقطعك ياحبٍ علـي صـرت ملعـون
غصتني العبره .. وهو ميت إحسـاس=ماكن في قلبه أحاسيس.. وشجـون.!
أبكي ولا بيَـن وأنـا رافـع الـراس=مابـي عـواذل حبنـا فـيَ يـدرون
يدفن سنين العمـر مابيـن الأطعـاس=هذا.. وهو يسوى من الناس مليـون.!
يكفي.. وكل شيٍ وضعنالـه إقيـاس=إليى متى.؟ ونقول ميخالف .. يمـون
نرضى على كلش.! ولا الراس ينداس=والمرجله ماتنشرى ب (مال قـارون)
كلمة (أحبك) حبرها فـوق قرطـاس=يعني تأكـد لانـوى قلبـك يخـون.؟
مالـي مكـانٍ مثلكـم فيـه جـلاَس=واللي زرع كرهٍ..من الكـره يجنـون
يابوك انا طيب.. وذا العرق من ساس=في لابتي مـا والله تشـوف مطمـون
حنا بنـي مـرزوق للطيـب نبـراس=نتعب على كسـب الجزايـل ولا دون
ماني مثل غيري ترى الناس أجنـاس=وإذا على دمعي تبي ليـه وشلـون.؟
بعض الدموع اللي على الخد.. نوماس=فرحة نجاحي .. صادفة يـوم تقفـون
للشاعر راشد بن مسامح ال سليمان العجمي
21-08-2004, 04:29 AM
العرض الشجري