( يارجم انا ماجيت مبداك شفقان )

[سلطااان العتيبى]

السلام عليكم ورحمة الله وبركاته=




ابيات اعجبتني للشاعر المبدع:مرزوق العتيبي وحبيت انقلها لكم:=



يارجم أنا ماجيت مبداك شفقان = ولاني بمشتاق ٍ لعسر المراقي
يبديك من قضـّى حياته بالاحزان = وآيس من ايام الفرح والتلاقي
ابيك انا يارجم ماني بطرّان = ليا دق بي هاجوس والصدر ضاقي
لاشك يوم ابديك كلـّه على شان = أسج ساعه لو تعب عظم ساقي
وأرقى على مبداك غايض وزعلان = وأرجع بغيضي مثل ماني براقي
لا واهنيـّك ماتبيدك الازمان = الناس تفنى وانت يارجم باقي
والعام أنا ويـّاك والزين جيران = واليوم قربك عقبهم مايطاقي
مافيك غير الطير والذيب سرحان = وثالثهم اللي مبتلى بالفراقي
طير ٍ ليا غنـّى وغرّد بالالحان = أجاوبه من حر مافي عماقي
اجاوب السرحان يارجم ولهان = ليا وقت في مبداك والذيب واقي
وأصبحت أنا والذيب والطير صدقان = أهل محل وفيك مثل الطراقي
يارجم ياليتك معك قلب ولسان = تشقى مثل مانيب يارجم شاقي
وتحتار لو نبتك زبادي وريحان = يصبح صريم ويابسات السواقي



وسلامتكم=