ذنبى انى من سلايل (((( يـــــــــــام ))))

[عادل آل عمر]

اضع بين اياديكم هذه المتواضعه ودائما اقول المتواضعه لانى عندما انظر فيما تجود به افكاركم ادرك حينها بااننى متواضع

الشعر يا مدرك أدرك شاعرك جده عريب=يعنى الله لا يهينك صب قاف سلسبيله
سلسبيل ميزته بان اجزله بعده قريب=وأقربه بعده الثريا والثرى من مستحيله
يعنى افهم يالعليمى وانتبه خلك لبيب=الشعر مثل المغازى تلعن النفس الذليله
ماتروم الا العزاوى لاعوى ذيب لذيب=والتمس بالجو بارود وعاف البن هيله
باختصار الخيل عندى والشعر والا اللهيب=لاحدى مرباع قومك فانزح لبرق تخيله
ذنبى انى من سلايل يام يانسل الغريب= وذنبى ان جدى وعيل وآل عمر تعتنيله
تعتنى بالعز والسيف الحدب سقم الحريب=دام ذنبى صيت جدان مواقفهم جليله
ذنبى الله لايغفره دام ذنبى مايريب=اعسف دروب تضيع كل حلحيل دليله
وادرى ان الصيد يقنص بس مافاد الصويب=واعرف ان الطيبين افعالهم تلقى حصيله
واعرف ان الصقر فزه ركزة الحر المهيب=وادرى انك يالشعر لى حاسبك شبه الوسيله
انتهج نهج البلاغه وان دنت شمس المغيب=تشرق كفوفى وتطوى ظلمة الليل وتزيله
وادرى ان السبع طبعه مايسليه القليب=مثل طبع الفارس اللى يهتوى سرج الاصيله
يابنات الفكر صنتك من عشاشيق الصليب=اعشقك عشق بدوى ماعرف درب الرذيله
كاسب العليا وراثه من رجال ماتخيب=قمة المجد اعتلوها والفخر عانق سليله
والسهوم اللى رمتنى بس عيت لاتصيب=مادرت بان المواجع داميه والوقت ميله
يجبر الشاعر يجدد ماضى وصفه صعيب=بس لاصار النهر منصاى فالوادى لسيله
وان حصل والا تزايد فالهماج الها شريب=والعدود الها موارد واخبث الوديان ويله
الشعر يامدرك ادرك شاعرك جده عريب=يعنى الله لايهينك صب قاف سلسبيله