لالا تعودني على كبرة النفس

[حسين القفيلي]

لالا تعودني على كبرة النفس =
تكبر عليك النفس مني وتشناك =
خلك مثل ماضيك بالضحك والرمس=
وخل التواضع في طبوعك ومبداك =
لولا الغلى كان الهوى نطمسه طمس=
وأنسى زمان كنت به من ضحاياك =
وأنسى ليالي الضحك والرمس والهمس =
وأنسى مع الأيام حبك وذكراك =
بس العهد بيني وبينك على خمس=
الاوله وإن طول الوقت مانساك =
والثانيه سر حبسناه بالحبس =
نموت ماقالوا لنا الناس طرياك =
والثالثه غض النظر لو غدا عمس=
غض النظر عن كل زول تمناك=
والرابعه مانستمع هرجة الدنس=
الواشي اللي بين ذولا وذولاك =
والخامسه يحرم على وردك اللمس =
أمانتي تبقى لمثلك وشرواك =
أنا من رجال لهم منزل الشمس=
عالين مثل الكوكب اللي بالفلاك =
يامي ومن ربع لهم بالوغى حس=
سيوف هند لي بدا الشان تنصاك =
نبعد عن الشبهات والموقف النجس=
وين انت ؟ يادرب النقاء ماتعداك =
هاذي طبايعنا من البارحه وأمس=
و في سالف الدنيا وماعاد يلقاك =
راعي الردى كنه بكرهه دم الظرس =
وراعي الوفاء يقلط على الطيب حياك =
فـ يا صاحبي مالي ورى عشرتك فلس =
صدفة مقادير الليالي وجيناك =
والحظ قبلي ساق عبلة وابن عبس =
وأبكى المهادي والزناتي وبراك =
الموقف الواضح نحبه بلا لبس =
لالا تجافيني وأنا غايتي أرضاك =
ولالا تعودني على كبرة النفس=
ببادلك نفس المشاعر وبشناك=