عنـــــــــــــــددددي لــكـــــــم بشـــــــــاااره ...! :)

[الجامحه!]

الــسلالالام عـــلالاكــم !.


والله لكم وحشه يالمراجيييييييج << يقطع ابو الحب اللي كذا


شلونكم عساكم طيبين .!!



ما درييييييييييييييييييييتو ؟!


خلااااااااص ابعرس ,,,







اكلو هوا وشو يعني كذابه ؟؟



الا اصلن اعرست وخلصت ئائائااااااااا



تبون اعلمكم وش صار في عرسي ؟ << صدقت ..

تدرون اني حرمتن ملحوقه
بالمصايب والحركات نص كم والعياذ بالله

تبون اعلمكم علوومي جعلها مهي بعلووم بعضـهم!.








بس خن ابدا لكم من الاول


جتني امي قالت لي: يا بنت ياجـميح ترا صويلح ولد ام صويلح متقدم لتس تبينه ولا اكبه بالزباله؟؟ << شباصه ذا موب رجل
انا : ايه ايه ابيه ابيه ابيه ابيه موافقه موافقه موافقه ....الخ اليييييين نعال امي على قفاي وسكت
واقعد افكر واسرح قلت : هيييييييييييييييييييييييييء << شهقه
اللي اخته غزيل ؟؟؟؟ لا لا مابيه اخيييييييه مابيه مو موافقه مو موافقه مو موافقه

امي + هجمه مرتده ب3 بيالات << تطورت امي ماعاد تصمخ بوحده اكتشفت ما يفيد الا 3 بيالات

:امي /: هيه هيه لا تقعدين تصيحين وتلجينا؟؟!لامو اخو غزيل هذا صويلح ولد جيران نسايب حماة امي حصه الله يرحمها
انا: هاه.. من ذولا ؟؟
امي : ذوليك يابنت اللي يوم نروح لحمولة اختس ونلقى عمتهم فيذاك الي رجلها معرسن عليها وحده سوريه ..
انا : قبحه الله وراه يعرس عليها الحقير والله اني شايفتها تهبل عساها ام بلوزه كلوش مشجره بورادت ؟
امي : ايه هذي هي عرفتيهم
انا وانا خايفه ما ودي اقول الصدز : آآآآآ .. امممم .. لا ما عرفته


امي : ( صطااااااااااااااااااااااع ) صوت الزنوبه على جبهتي
انا وجه يقوطر دموع : يوممااااه لا تطقين وش اسوي طيب

انا : لااااااااااااااااااااااااااااااااااااا يووووما عاد يمه صدز خلاص انا استقريت < مسرع ابيه صويلح ذااا ؟؟
ومافيه غير نقااااااااااااااااااااااازي من اول الصاله اللين مقلط ابو عامر< جيراانا

ومير كنت باتهور واطلع في الشارع
ما دريت الا سلك تليفون طالعن من الصاله ويخمني انا واختي ويدخلنا الصاله

واعود واقعد وحيل مثلت اني مستحيه
واطالع امي الا هي مقابله القبله ومغير تدعي : يارب ان تخلف علي خلف
الصالحين يارب اللهم اني لا اسألك رد القضاء ولكن اسألك اللطف فيه وتبتسي يا عمري رحمتها
يوم خلصت واجيها اقولها يمه
وهي تقول كش عليتس يالعوبا
انا: مايخالف مسامحتس
<< قولي قسم
امي: افهم من السرك اللي سويتيه انتي واختس انتس تبين صويلح ؟؟
انا احاول اكتب نفسي عشان يصير وجهي احمر يعنني مستحيه : ( وجه كاتم النفس)
......................................
.......................................

.اووووووووف لابووكم لا ابو الحيا ما يسوى علي اصلن انتي داريه اني منيب استحي << اهم شي الصراحه

امي : خلاص فهمنا ادق عليها باتسر الضحى اعلمها اننا موافقين
انا : لااااااااااااااااااااااااااااااااااااااا وشو باتسر اخاف يهونون
لا تقولين باتسر لا تقولين باتسر << وانا قاعدتن اخمم رجلين امي وهي واقفه واتعلق فيها تنسي قرد
يوووومااااااااااا تكفين دقي اللحين تكفين



امي : تمشي وتجرني معها للمطبخ
انا : يوماااااااااه لا تتركونيني وحيدتن في غابة العوانس انقذني يا صويلح اين انت يا حووووووووبي << مسررررع

ومير يدخل اخوي علينا ويسمعني وانا اقول صويلح حووبي ماااااااافي وقت علطول عشق الشوزن ووجهه علي يبي يقنصني
وامي طلعت شوجااااعه ووقفت في وجهه قالت لااااااااااا يا وليدي لااااااااا تراك نسيت تفتح زر الامان
انا : هه يمممممه

امي : اوووه قلبتي راسي جعلني ابكي خششتتس اصبري. . اسمع يا وليدي هما صويلح ولد ام صويلح جاي يبي
يخطب جمممييح ( امي كاتمه الضحكه) << وانا واقفه جنبها وفاقه الخشه عساس ابي اعرس

اخوي : عسى موب صويلح اخو غزيل ؟؟
امي : وش عرفك بغزيل يالسرمدي
اخوي: هاه .. لا .. هذا شسمه ... وشو من زين غزيل اصـلا.!!!!!



لا مايصلح لجميح الولد ابد ما يصلح لها ابد لا انا ما اوافق واعترض واشقب << شدعوا راده عليك جميح
امي : بالهون بالهون موب اخو غزيل هذا صويلح ولد جيران نسايب حماة امي حصه الله يرحمها
<< ازعجتينا بامتس حصه يوماه
اخوي : هاه.. منهو ؟
امي : اوهووووووووو بدينا ..
اخوي : احلىىىىىىىىىىىىىىىىىىىىىى المزيون ابو غمازات احلىىىىىىىىى
يا جميح احلىىىىىىى لا لا ما اصدق جاي يخطب جميح لا لا معقوله ويطالعني ويضحك هو علباله اني مستحيه



وتلووى واسوي حركات دلع
ما امده يقعد 5 ثواني الا امي كافختني : وش ذا الحركات
انا : يلعن ابو اللي يسوي لكم حركات حيا مالكم داااااااعي
امي : اقول يا وليدي يصلح ندق عليهم اللحين نعلم بموافقه الصبه جمييح ؟
انا : اشوووف يمه رقمهم لا تقعدين تمننين علي بذا المكالمه اشوووه انا اعلمهم
واثري احاتسي امي وهي تغمز لخوي تبيه يطلق الشوزن علي

وانا اللي انطم واسكت قلت خلاص ابطس لغرفتي اشوف وش البس لاجوو يشوفني ( وجه بن فهره)
وارقى وانكت كبتي
ملاحظه للي ما يعرفنا ترا حنا هوايتنا تجميع الخلاقين ولا 5 كبتات كلها
هدوم مالها سنع تصدقون وانا ادور لقيت مريلة الاقتصااد حقتي يومني بثاني متوسط ( وجه تسذوب)

المهم احترت واجي اتمييلح عند اختي تكفين ابلبس بدلتتتس اللي لبستييها بحفلة مريم .!

ذلتني طبعااا بس كله في سبيل اني اطل علييهم بأحلى وش

قالوا بيجوون الساعه 8 العشا وانا من 6 الصبح مرتزه قدام المنظره اجرب شلون ابتسم لهم
يعني افق خشتي قوه يعنني بشوشه ولا ازم خشيشتي وارفع حاجب يعنني مغروره بس معذوره << برااا
ولا ابتسم نص ابتسامه صفرا ولا وشو


<< سمعت صووت الجرس


وين صندلي ؟؟؟؟؟

واطير لـأختـي واوصلها وانا الهث : اه ااه اه يالعنز اه اه ما ... شفتي... صندلي

واتلتفتت علي: هاه وش تبين ؟
انا :صندلي صندلي هازا جزمه مال انا في البس هنا مافيه شوف سوا سوا عيون مال انتي جعلها تخفس قولي امين
( وجه يأشر على عراتزيبه)
الملسونه : اي واحد
انا :هذاك اللي لونه اسود وعالي كعبه يبلغ حوالي 2 ونص بوصه


اختي : عودت تطقطق على الكيبورد : تلقين الفرده اليمين فوق كبت اختس الصغيره والفرده
اليسار في قفص الدجاجه ولد اختس صمخ به الدجاجه بغى يغتالها يقولها قولي ميو قولي ميو قولي ميو
واروح اجمع شتات صندلي.. واجي ابدخل عليهم بنات ابليس << يقولون لازم احش في اهل رجلـي

وادخل عليهم ..
ياربييييييييي وش ذا الحياة طلعت امه قاعدده في المكان اللي كنت مخططه اقعد فيه رحت قلت
: لا لا قومي قومي غش قسم بطلت بطلت
قالت: هاه <<ماعليكم ترى اندهشت من جمالي
تراي قسم مزيونه اتحداني اغمز خخخخخخخخخخخ
المهم جزاها الله خير ما قصرت قامت وقعدت بعيد شوي
وانا اللي اقعد على الكنبه تسنها عرش ومير ارفع رجولي واتربع عليها وافق
خشتي مقاس 10.6 سم << يمديكم عالدقه لا وبعد رايحتن قبلها بيوم للدكتور ومصنفره ضروسي زين
وتطالعني اختي من بعيد وانا أأشر لها بعويناتي واغمز ابيها تجي
والله اختي فرحت تحسبني مستحيه ابي اطلع خلاص جات عندي تركض هاه وش تبين ؟
انا : ابي هذا .. شسمه ..قولي لأمي تعطيني العصير حقها مابي كوكتيل ابي برتقال
اختـي : اسفهتني مع ضحكة لئااامه!!


------------------ابعلمكم عن صويلح شوي :--------------------------
صويلح شاب وسيم جميل مؤدب وغني وارستقراطي جدن وراقي ورقيق
من النوع اللي يقوم الساعه 7 الصبح لو ماعنده دوام ويشرب تركش كوفي ويقرا جرايد في البلكونه ومايحب
الصجه واللجه عاد انا معلمتن بنت اخته تقول له اني منيب راعيه قومه الصبح يعني لو حاول يتميلح ويسوي
روحه ويقومني ترا بالابجوره ابهفه على خشته .. ماعندي وقت انا ... الصدز مابعد قلت لها بس ناويه
ان شاء الله اذا ملكنا تقول له اخاف تقول له قبل همن يهون عني خلينا نضمنه عقبه يصير خير

باقي اقول لكم عن الملكه ( عقد القراااااااان ) والعرس
بس ذولا يبي لهم موضوع لحالهم .. وانا حرمتن بتجينا اختي وعيالها عقب شوي وبيلعنون والدين لابتوبي
ابوووهم ابو من علمهم موقع تيرتبيز ههههههههههههههههه


ملالالالاحظه : شيون انتي معي بالصالون هاه

يالله اشوفكم على خير