(هتلر) تولاه الفقر بـ(فيينا) = ثم جاء وحكم (ألمانيا) أبرك مجي !!

[معشي الطرفى]

السلام عليكم ورحمة الله وبركاته

........
....
..

(( الطموح ))

8
8
هو ســر النجاح

بل هو اول خطوات النجاح

هـــذا ما يحب ان يوضحه لنا الشاعر الشاب في عمره ,,,

ولكنه .. كبيرٌ جداً في شعره

اترككم مع هذه الرااائعه

..

أرتجي ربي وغيره ما ارتجي = امّا تجيني بطيب والا لاتجي
قصيدةٍ عيّت تحن ادماغي = تنسى مطاراتي واصك مدرجي
مافيه شيء ٍ غصب يا ذويّقه = أنا دمقراطي واقدّر منهجي
والشعر لامني بغيّت اقوله = ماحتاج لمهندس ودسك وبرمجي
عندي لسانٍ لو تنطح له صخر = يِكسِره لاجاء يمتدح او يهجي
اينسّي الثوري لغة (جيفارا) = ويحرج خطابة (كاسترو) و(المنبجي)
قصايدي جزله وفكري عالي = وخليت شعر العربجه للعربجي
اللي طموحه واكبر امنياته = يشغل شريط محاوره ويسوق (جي)
(هتلر) تولاه الفقر بـ(فيينا) = ثم جاء وحكم (ألمانيا) أبرك مجي
لانه طَموح أكل شعوب العالم = كم مات من يمناه ؟ وسعد اللي نجي !
وأنا طموحي أكبر امن ابياتي = كلّ ما ضاقت اعيّن مخرجي
واقول للي غررته افلوسه = الفقر ماهو فشلتي ولا احرجي
اللي تفكيره سَخف ومهايط = وأقصى طموحه , نبرة الصوت الشجي

..

الشاعر // ماجد المهنا الدوسري