مصافحتي الاولى (مشاركتي في مزاين ابل يام 1428هـ)

[حسين القفيلي]

اخواني زوار منتدى العجمان يسعدني في البداية الانظمام بين ربعي واخواني ،كما يشرفني ان تكون اولى قصائدي هنا في وطني المملكة العربية السعودية ومن ثم ولاة الأمر وقبيلتي العريقة يام ، هذه القصيدة كانت من احدى مشاركاتي في مزايين يام 1428 في المندفن قرب حمى على طريق نجران - وادي الدواسر

يالله ياوالي عليك التدابير=
يامنزل طه وعمّ ولانعام=
يارازق ابن آدم ويارازق الطير=
يامحيياً لرواح لي صارت أعظام=
أحفظ ثرى دار بها العلم تنوير=
ومنها بدت نور الرساله بالاسلام=
فيها حرم مكه مع زمزم البير=
وفيها قبر سيد البشر خير لانام=
يادار من حقك تباهي على الغير=
مادام خذتي بالحسن تاج ووسام=
في عهد عبدالله على دربه نسير=
وبعون ربي حن له أدروع وحزام=
والله يابو متعب محبه وتقدير=
ماهي تكفيها الصحافه والاعلام=
غلاك لوجينا نسطره تسطير =
أعم واشمل مانقيسه بالارقام=
تعجزبيوت الشعر عن كل تصوير=
حققت مافاق التوقع ولحلام=
حتى الذي صابه من الشر تغرير=
حاولت باصلاحه رغم كبر لجرام=
وانت الذي صرحت في جولة الخير=
ياشعب تو المجد ذروته قدام=
تسلم ويسلم من يقود المغاوير=
سلطان ياريف الثكالى وليتام=
سلطان ياللي بالسماء سربك يغير=
جيشاً قوياً للمعادين لطام=
ياابن الزعيم اللي هجد بالطوابير=
نجد وهي في معمعة جهل وخصام=
يارحمة الله يالرجال المشاهير=
ال السعود اللي على البيت خدام=
أعظم شرف واكبر شرف كان تعمير=
تعمير بيت الله بطيلة 100 عام=
ويازاير نجران لى حد خرخير=
اميرنا مشعل على الطيب مقدام=
نجران بانيها بنهظة وتطوير=
من المندفن لي بدر لي غابة سقام=
الماء من الصحراء عبر المواصير=
والجامعة بكره عمادات واقسام=
قلته وانا من يام ربع مناعير=
يشهد لنا التاريخ بالشرق والشام=
ومن اليمن للترك في مدخل أزمير=
دسنا الخطر لوكانت ارماح والغام=
نارد حياض الموت من غير تفكير=
ويشوش راس الرجل لوعاده اغلام=
والمدح ماينساق من دون تبرير=
غير انه مايحتاج تبرير في يام=
أهل المهار المسرجه والاباكير=
فزعاتهم بالظيق تاتي لك شمام=
واهل السيوف اللي تقص المسامير=
حرابهم يحرم على عينه تنام=
من غير نقص في القبايل وتقصير=
وكل على حده وفعله بليام=

وسلامتكم