الضيق ماله غير رووس المشاكيل

[السياسي]

هذه قصيدة الشاعر الفذ \ محمد فهد العرجاني


يالله يالمعبود ياعادل الميل= يامهوّن الشده عقب طول شدّه


ياواحدٍ تشفي كبود المغاليل= لامن قضيت الأمر منهو يلدّه؟؟؟؟!!!


العبد لاشاف الزمن مّده بخيل= قام يترجّى عطف ربّه ومدّه


ياطالبن شوري ترى الشور قنديل= اخذه وحاذر يالسنافي تهدّه


لا ضاقت الدنيا وشفت الغرابيل= عليك باللي ماجبى الوقت سدّه


(( الضيق ماله غير روس المشاكيل))= ولاّ الردي ماينفعه طيب جدّه


في حاضر الايام ولاّ المقابيل= اللاش بالك للصعايب تعدّه


عليك باللي لاقسى الوقت حلحيل= قرمٍ كما حرٍ ينومس مهدّه


السيل لامن سال وش يردع السيل= والسيف حده من يجي قدم حدّه


هذي وصوف القرم ذرب المحاصيل= اللي تطول الطيب راسه ويدّه


عليك به من دون كل الرجاجيل= بدّه على كل المخاليق بدّه


اخذ النصيحه وامتثل للتماثيل=ساير زمانك وان تردّى فضدّه


لا يرتخي عزمك ولايبرد الحيل= الوقت يعشق كل رجلٍ يصده


ولاّ الردي مايقدر يحط ويشيل= الوقت دايم يصفعه فوق خدّه


ماهمّه الاّ لابسات الخلاخيل= يومن تهيي به ويومن تردّه


اللاش ماينفع بيوم التهاويل= يالعنبوووه اللاش ولارحم جدّه

السياسي