الرفيق

[عايض البقمي]

من جديدي واتمنى أن تنال الأعجاب والرضى لديكم

في ضميري كلمتٍ باطلق رسنها=الرفيق أللي زعل وأزعل خويه
الصداقة عندكم يرخص ثمنها=يارفيقي لاتطيح بك المطية
بيني وبينك علومٍ وش ظمنها=غير طيبٍ معك مانبغى الرديه
في زمانٍ فات أشارتكم رهنها=كل علمٍ فيه طيب إلكم هديه
تحسبني غافلٍ عنكم وعنها=الرسالة واصلة ماني ضحيه
الضحية من حفر حفرة دفنها=جابها المرسول ياكبر العطيه
انت دار وكل طيّب قد سكنها=من رحل ماعاد يرجع للهبــيه
والخسارة والله ان يكبر صحنها=حتى كل علومكم ترجع نقيه
من رخصنا في عيونه جاه منها=نرخصه لو كان فقدانه قويه
كان قصدك بالذكاء تلعب لحنها=فاعرف أن لحوننا ماهي غبيه
فالخفاء تنسج قضية في وهنها=مثل بيت العنكبوت أمحق قضيه
والعنود الزايره بالله صنها=لاتقوم تفتش علومٍ خفيه
صاحبي ماتت وكفّنا كفنها=من عطانا .معه نجزل فالعطيه
والنهايه كلمتي باطلق رسنها=للرفيق اللي زعل وأزعل خويه