من الواقع؟؟

[(هاوي قصيد)]

مسا الخير , قصيده معبره لا اكثر ...

اشوف الاوادم همها ضجة الاعلام = عبر دبلج الاقمار صوتي ومرئيه

فيا كم شاعر مابغا الضوء والاقلام = قصيدٍ يعده ماتعدا الدوانيه

احاسيسهم ماهيب تاتي ركام احلام = ولا همهم شهره ولا ذي ولا ذيه

معانيهم تشفي صديعٍ من الاوهام = ومنهو ندب حظه وفاخت عراويه

وياكم عاشق يشتكي من بلا الايام = إلا من طراله شوق قلبه وماضيه

كويناه من ضو المعاني بعدها قام = وعزز مقراته وشيد مبانيه

ترى فالكواليس الخفيه قوي إزمام = رزينن مدام العلم بيتن وقافيه

بمن الشعر ظاهر قبل نشأة الاسلام = لسانٍ يترجم فكر؟؟ ماهي ذراعيه؟

فانا باتحرى الوسم لامن برقه حام = واسج الرجل صوب الديار الجنوبيه

فلا مشغلٍ بالي ولا خاطري منضام = واراعي النجم لامن بدا في مساريه

وقصيدٍ ظهر فالوقت هذا مع الاعلام = بعضهم جزل والبعض يهذي هذاريه؟

وسلامتكم