يقول من وطى علـى دعسـة الجيـب....قبـل المغيـب ومقـدم اللـيـل ضــاوي
خمـه مـن الظيقـه مثـل خمـة الـذيـب.....لاجاع وأسرف في حـلال الشـواوي
ومـع السريـع الـلـي يباريـلـه البـيـب....أومـى كمـا يـومـي جـنـاح الـنـداوي
لـطـلـب لـربــدٍ مقـفـيـاتٍ مـهـاريـب......وطـــارٍ ولاكـنــه علـيـهـن نـحــاوي
هــذي يلكشـهـا بـــروس المخـالـيـب....يلـعـب عليـهـا بـيـن يـرحـم ويـــاوي
وهذي يشطبها علـى القـول تشطيـب....وإلا ارتخـت يدلـي عليـهـا رهــاوي
والصوت مامن صوت غير الانابيب.........خشـم القـزوز اللـي يـجـر الغـنـاوي
حلـفـت بـلـي عـالـم الـسـر والغـيـب.....لدعـس علـى جلمـده مـادمـت نــاوي
دامـه طرالـي مـن سكـن بالمحاديـب.....وداره تـنـزح دونــه الـذيـب عــاوي
اللـي علـى شـوفـي يـكـز المنـاديـب....وانـا عـلـى شـوفـه شـفـوقٍ شـفـاوي
راعـي العيـون الناعسـات المهاديـب.....وسود الرموش مضّيعت كـل غـاوي
لاهــل مجـدولـه يغـيـض الرعابـيـب.......علـيـه مـنـي صـامـل الحـيـل ثــاوي
لـه لبـتٍ يصحـى بهـا القلـب ويغيـب......ولـه مبـسـمٍ ضـيـع شـيـوخ الفـتـاوي
هذاك من يمسح على القلـب ويطيـب.....لاطال نزف الجرح وأزرى المداوي
وشلون ما اسريلـه والبـي المطاليـب....لاصـار طالبـنـي وانــا بــه هــواوي
07-04-2007, 03:20 PM
العرض الشجري