الطريق الــى ... ؟؟

[مناحي الصميل]

مرّات انا راقد وما جاني النوم = ومرات انا صاحي .. مكبّر وساده
يعني كذا طبعي على طول مهموم = يابعد دربي عن دروب السعاده
احرص طريق الحبّ .. بالحيل ملغوم = اتغامر بروحك بدون إستفاده
ياما شربنا من عسل كاس مسموم = تخفي سموم الكاس كلمة .. ( إشاده )
كم وحدةٍ تبغي لي الحب .. وأشوم = المسأله حكمه وصبر وإراده
بعقولنا لابدّ كل شيء مرسوم = فيها غنات الشخص حسب إجتهاده
الحبّ مثل الشرّ بيّن ومعلوم = مدري علام الناس فيها بلاده
لابد ما ياتيك من رمح وسهوم = كل(ن) يبي نفسه تحقق مراده
بتشوف فسقانٍ وبتشوف مضيوم = وبتشوف منهو ينتصر في فساده
منهو غرق بالحب عزاه .... مظلوم = كنّه يصبّر جثّته في لحاده
يقول انا حبّيت واقول .. ( ياقوم ) = اصبر على الدنيا تشوف النكاده
بتعين انواع الحكي حيل ملموم = اهواك , احبّك , والصور في قلاده
ارواحنا بالحب .. والحب مزعوم = كنّه سلاحٍ والحكي هو زناده
فكرك عقابٍ اسودٍ يبغي الحوم = وفكري كما حرٍ تعلّى وصاده
درب المحبه دايم الدوم مزحوم = خذها نصيحه وإعتبرها ( شهاده )
خلك رزينٍ بالعقل دايم الدوم = وإنعم بحال الدين وصلّ العباده

وسوالم


مناحي بن فهاد الصميل