قصيدة العلاقـة من خـلال النـت
للشاعر خالد الديحاني
مر / حول أسبوع ما جاني من الغالي ســــلام ..... غاب مدري عن مكانه هو شمال أو هو جنـــوب
أدخل الماسنجر / ألقى وسطه الناس إزدحـــام ..... الماسنجر مزدحم من كل حـــــدب وكل صـــوب
وأنتظـــر ..عل وعسى يشبـك معي بدر التمــام ..... والله إني عاجـــــــز ألقى واحد ٍ عنه ينـــوب
قال أبرجـــع مير ما جاني على حسب الكــلام ..... الله يستر .. والله إنه لا حكـــى ماهو كـــذوب
صرت مثل اللي فقد له شي في بحــــر الظــلام ..... والســـفــينه ما تحمّـــل كل ماهــب الهبــــــــوب
العلاقـــه من خــــــــلال النت يامـــال العـــــــدام ..... وش نصيب النــــــار من راس الزقاره يا لعوب
كل ما قلنا نتــــوب من المحبـــــة والغــــــــــرام ..... تبتدي قصة غـــــرام .. وتنتهي قصة نتــــوب
الزمــــــن هذا غرامه ينتهي في ظرف عـــام ..... صار قلب العاشــق أشبه بالتشـــرد والحـــروب
هذا نازل هذا راحل بين شــــرق وبين شـــام ..... صار تكسي والحبــايب مستعــــده للركـــــوب
(الوفـا, والحـب, والاخـلاص) ماينفع مادام ..... ( الغدر , والكذب , والنكران) ساكن بالقلوب
كان تبغون (الحقايق) أسمعوني ياكـــــرام ..... وأفهموا معنى قصيد ٍ يختصـــر كل الـــدروب
والله أنك ما تحــس بمتعــة "الحب الحـرام" ..... لو تحـب مليووون مره بالشمال وبالجنوب
تحيــــــاتي ..
18-02-2007, 11:48 PM
العلاقـــه من خــلال النت يامـــال العـــــــدام ..!!
العرض الشجري