السلام عليكم ورحمة الله وبركاته
اولا اعتذر من اي شاعر لم اذكر اسمه في القصيده لقلة معرفتي او بالاصح جهلي فيهم
وهذه قصيده بمثابة مداعبه لا اكثر ولا اقل لاني لا امثل اي دافع لاي شاعر لانكم القدوه لنا وبكم نمضى
واعتذر لزميلاتي الشاعرات الاتي لم اذكرهن وخيرها في غيرها ( لا احد يزعل علي ) من مشرفين واعضاء
الشعر لاهل الشعر فخر وعزه ومجد وسلاح =وكلن يصور من خياله ما يجسد فكرته
مرات نقرأ من قصيد الشاعرالرايع(فلاح) =واحيان نشرب شعر(ابن سكران) لحظة سكرته
ونصفق لشعر (الدويش)ونشرب الخمر المباح =ونقرأ (لعبدالناصر)ونكسب محاسن خبرته
ويشدنا شعر (ابن مسرع)من زلال ومن قراح=(وفهيد) لبى قلبه ولبى قصايد حضرته
(ومتيه العشرا)قصيده مشرقن مثل الصباح=(والخالدي) يبحر بنا جزل وبعيده نظرته
(والضاعني ابومحمد)في الشعر برق ولاح=(والشامري ابومحمد)ننبهر في قدرته
(وحقان بن ناصر)على العليا تربع واستراح=(وعيد ابن شدقان)المعلم دوم نتبع جرته
(ومحمد العرجاني)الشعر المنقى له متاح= (والهاجري) نقطن بحرفه وانتلمس فطرته
(وعزام)من جزل القصيد العذب يلبس له وشاح=(وابن المحلكم)فاعذب ابحور الشعر ماغرته
(ونسل الطويل)يعانق الاحساس وبكل اجتياح=(وسعد الصميل)والقصايد كسبته ما خسرته
واحساس جرات القلم عند (ابن كحله)ورد فاح =وعند (ابن فلوه)ذاب ثلج الشعر داخل جمرته
(والباشا)ايحد القلم يركع غصب وبلا سماح = (وسالم)يعسف الشعر لين اصبح فرسه ومهرته
(ويحي ال بالحارث)كما نجم بدى نوره وضاح =(ومحمد ابو زيد)وابحور الجزايل مرته
(وابن عديمه)لاعدمنا شعره يحب النجاح=(وحمد ابن سالم)فطين الا تعصب غترته
(وابن فطيس حمود)يرسل من قوافيه الرماح=(وتركي العتيبي)في سلاسة فكره احكم دبرته
والشعر (للمخيال)يشفي من شكى جور الجراح=(والطيب له كاسب)وتظهر في الجزاله نبرته
(وغازي)غزا كل القلوب وساق نسمات الرياح=(وابن نفل)من الفصيح العذب نشرب خمرته
(وشيخ المراجل) قرم نشعر في قصيده بارتياح=وعذب (الجوير) نلامس احروفه ونشكي ندرته
هذا وانا توني جديده ماعرفت اهل الصلاح=ونسيت ناس اكثير والعيب اتحاشا ثغرته
والعذر من بعض البنات اللي لهم قلبي براح= الشاعرات اللي لهم في الشعر بدع وعفرته
اختكم البنت الجزله
19-01-2007, 07:59 PM
العرض الشجري