{الغــــــــــــــــايب الحــــــــــــــــاضر}

[وردة العجمـان]

السلام عليكم


تمر بنا هذه الايام الذكرى الأولى لوفاة المغفور له بإذن الله أبونا الشيخ(جابر الأحمد)رحمه الله وأسكنه فسيح جناته،،،


وهذي مرثية في قائدنا الراحل للشاعر:مبارك نايف أبو ظهير

هذي سنة راحت عن البال ما غبت=إي والله انك حاضر في غيابك

يا مهيب ضيم الليالي ولا هبت=على عيالك ضيم الأيام هابك

يا جابر العثرات يا كم بنا طبت=وأنت الذي بالطيب يذكر جنابك

ياللي بدينك يا حبيبي تأدبت=مات الكبر بك والتواضع حيا بك

حبك وربي ثابت ف الحشا ثبت=نابت ومن كثر ة غلااك متشابك

ذبنا بحبك وأنت في حبنا ذبت=كنا لك أقرب سيدي من ثيابك

بعيوننا عبرة وبصدورنا كبت=على فراقك عطر الله ترابك

"دسمان" لا شفته من الهم شيبت=ياما وياما نوخت به ركابك

ولا " بيان" إن جيت يمه تعذبت=يهزني شوق بطاريه جابك

هذا القصر اللي من قصورك أحببت=أحس به لا جيت يمه حكابك

يمكن لأني فيه جيتك ورحبت=يوم أتشرف سيدي باللقا بك

و"السيف" لاجيته تحطمت وانصبت=كم ليلة يا بو مبارك زهى بك

واشيب عيني كل ما أشملت و أجنبت=أتذكرك والموت عني غدابك

للحين كنك بيننا ماتغيبت= شفنا ندور شوفتك عند بابك

مثل اليتامى من عقب ليلة السبت=يوم الاحد يومه فجعنا مصابك

يالغـــــايب الحــــاضر لك الله ما غبت=دايم وحنا نذكرك في غيابك