{{{{ نووووووووره}}}}

[محمد فهد العرجاني]

مساكم الله بالخير والعافيه يالنشاما


بويتات متواضعه وطازه


صلو على النبي,,,,,,,,,,,,,,,,,,,,,,,

لابارك الله في القلوب السود والحظ البخيل= الحظ مقعي والقلوب السود ميةٍ قهر

ولا حاس تفكير النذل ولا فطر قلب الهبيل= الا ان ضرس العقل عندي نابت وعمري شهر

والله خلقني مااقتنع في شي اسمه مستحيل=وان قالو يا كبرالخطر اقول بيهون الخطر

هذا وانا حظي ردي لامن طلبته لايميل= يقول ماني عاجبك؟!! رح اشرب من اقرب بحر

لاعاد تطلبني ولا تحلم بشرب السلسبيل=ولا توقـّع بنسف الاشواك وازرع لك زهر

انا معك معك معك مالك من فراقي بديل=والخافي اعظم يارفيقي تو بعضي ماظهر

اني محمد جعله اتلا واخس واعقب يالذليل=أنا على الله عزتي طال الزمن ولاّ قصر

والله لا اموت ولا حسبتك في يدي سيفٍ صقيل=وبموت ماعديت مثلك لاش في الضيقه ظهر

بس استريح بظل عمك ياعسى عمري طويل=وليتك من علوم الشجاعه تاخذ دروس وعبر

وحرام وقتي يضيع مع شرواك عاد الليل ليل=ابتغانم فرصتي قبل اسمع اذان الفجر

وبروح للي شوفها يشفي من العله عليل=ولو شافها المديون ينسى الدين ووجيه الفقر

ولو شافها الشايب ابوالمعكاز والحيل الثقيل= صاح وتمنى ليت عمره طايح ٍ منـّه عمر

نوره عساني ماعدم نوره هي الحلم الجميل=اللي تجدد فرحتي لاصار في الخاطر كدر

الله لايحرمني غلاها دامها لقلبي دليل = بنت سفارات الغلا في القلب وحطت له مقر

لافض فوها لاحكت تفتح لخفاقي سبيل=من الكلام اللي يسمّع صم ويفتت صخر

ولا انت يا حظي بكيتك ما أرتجي منك حصيل=لأنك ياحظي المحترم بتموت ماعندك نظر

سوالم