زمــانــي

[وافي]

زماني يازماني يازماني= قتلت امال واحلام واماني
مضيت وراحت ايامك وولّت = واخيرا جيت تسال عن حناني!!
زماني دامها الركبان فاتت = علامك لي تكيل الامتحاني
تعلقني بزينات الصبايا= وتوليهم مع لجامي عناني
وتشبكني معاهم لين هامت = خفياتي بفتانٍ رماني
تزعّم كل خفرات ونواعم = رويته حب وبسحره دعاني
وصرت بدنيته حسْب المعرْفه= امير الكل ماساوان ثاني
وبادلني وبادلته محبه = وصار بعيني اعظم من سباني
وجادلني حروف الابجديه = رويته عشق واعجاب ورواني
وصرنا صعب نسلا عن بعضنا = ولا نقوى على الفرقا ثواني
نحس انا سوى دون الخلايق = وكل قال ماغيرك هواني
زماني شفت قسواتك عليّه؟= تعلقني بمن فاخت زماني
زماني واسالك بالله عطني= حلولٍ قبل فضحي لاهْيماني
برايك ترهم ازماني زمانه؟= ورايك تقبل السفن المواني؟
ورايك تشبك كفوفه كفوفي = ورايك نعزف الحان واغاني
ورايك نرتوي من بعض قلّي؟= امانه قبل ماشدّ الحصاني
واهيم بدنيةٍ ماحْدٍ يعرفه= واعيش بوحدتي واركز سناني
امانه يازماني يازماني= ابي حلٍ قبل فضحة لساني
ابي قبل اعلنه ....... هوايا= زماني جيتك وهمي حداني