يامدمج الساق حالي مــنك مبري (أبن شريــــم) غزليــــــــــــة

[راعي الدهما]

للشاعر / سليمان أبن شريــــم

البارحة ساهر والدمــع يجري=والقـلب حزن على فرقا حبيبه

كريم يــابارق ينوض حدري= واللـي سرى بالغداري يقتدي به

واللي ضرب وادي خلاه يـجري=عسى طروش البــــوادي ترتوي به

متخفي لابس لـه بشـــــت بدري=حسبي علــى البشت واللي غرني به

يامدمج الساق حالي مــنك مبري=بري النجاجير عيدان صليبه

ابو قرون تغذى بالشمطري=مثل السفايف عــلى كور النجيبه

ابو عيون ليا دلّـــت تخزري= ترمي بالاسباب ويل اللـي تصيبه

ابو خديد يشــــادي نجم فجري=والا القمر لا انتحـى يبغي مغيبه

ابو نهيد كما الــفنجال زبري= ويمزّع الثوب من حال غصيبه

ياليتني عالــم للـغيب وادري=عن غض الانهاد من هو من نصيبه

ياليتني حايـــف ويقال خبري=انهب صخيف الحشا ثم أغدي به

من طاب لي طبت لــه والــكل يدري=واللي يتغلا عـلينا وش نبيبه

ان مت حطو بدرب البيض قــبـري=تكفون حطـي على قبري نصيبه

يامن يرد الحبيب ويــاخذ اجري= قفـّا بلا سبة ربـي حسيبه

ماقــدر الله على المــخـلوق يجري=والعبد لزم تـرى ياخذ نصيبه

وآقوّ ماصابني وآقــوّ صبـري= لعل ماصابــني منه يصيبه

يالله طلباك مغني كـــــل فقري=كل عـلى قد حاله تعتني به

أتمني ان تحوز على رضاكم


أخيـــــــــــــــــكم



راعي الدهمـــــــــــــــــــــــا