الطِيب فرصه والجمايل توافيق

[أبن معوض]

الطِيب فرصه والجمايل توافيق--------------ومن لا توفـّق ما كتب له جماله

ومن لا رقا للطِيب روس الشواهيق-----------ما زان له وقته على ما بداله

وما دام لفعول الجمايل عشاشيق-----------كسءب الجمايل ما يجي بالسهاله

ولو انها تشرب معَ فكـّة الريق -------------كلٍّ خذا له كل ما أصبح بياله

والطِيب منوه للقلوب المشافيق-------------كلٍّ يتوق ومنوته راس ماله

والمدح ما يزهى على الرجل ويليق----------إلاّ لا صارت وافياتٍ خصاله

يستاهله رجلٍ يفك المزانيق --------------اللي يقال ..ونعءم ..لا جا مجاله

ومن ساقته نفسه وهو ما بعَد سيق---------لأجل الجميل .. يزيّن الله فاله

والمرجله ماهي بتحتاج تنسيق------------من بين قلب اللي عشقها وباله

ومن عادة الدنيا تخون المواثيق----------تفترّ مكـءرتها سواة المحاله

ولولا اللوازم ما عرفنا المخاليق---------ما نعرف الرجّال لين نعَـنا له

والكفو تظهر فزعته حزة الضيق---------وينشاف في الشده بعين العداله

نسل الرجال متعّبين الملاحيق-----------متوّسطٍ من بين عمه وخاله

واللي يطيق ولا بغى قال ما اطيق---------تحءرم عليه المرجله والشكاله

والهيّـنه تكبر على اللاش والهـِيق--------له في الرخا قاله وفي الضيق قاله

والطِيب شاره والضماير صناديق---------واللاش طِيبه ما تعدّا ظلاله

وانا اسبر قلوب الرجال المغاليق---------والصامت أقطع غايته من مقاله

وما دام في الدنيا رجَال ومطاليق---------نصَيتهم واللاش مالي وماله



سعد بن حبشان