السلام عليكم
نقلت لكم هذي القصيده للشاعر الكبير
محمد بن الذيب
واتمنى تعجبكم
الله يقطع هل الدمام ياهل الخبر=واعدت ابو ريوف بزياره ولا زرتها
ياريوف ليل الموادع دمع ولا سهر=لو انها في اختياري ماتخيرتها
وانا فراسي قصيده تشتغل من ظهر=اخاف عيني تغمض مابعد قلتها
لكن قولي لبنات السّد ولا النصر=وشرايهم في هنوفٍ يوم عيّنتها
جديلها يدّهر ورموشها تدّهر=وثيابها كل ماهب الهوى بختها
ماهيب ثيّب من الفتنه ولاهي بكر=لكنها من غلاها لي تباكرتها
وردوفها رفرف الجمس الجديد الحمر=مستعمله بس لذلحين ماسقتها
قالولي اخذ اختها قلت الليالي دهر=ماهيب ملغا ولاكني تمالغتها
كن نيل مصر الجديد اللي يصب فمصر=نيل امها وكن دلتا سوريا دلتها
ان سولفت سولفت لكن بالمختصر=كنها تضامن مع البكمان في صمتها
اذا ضحكت قلت ياربي عليك الصبر=والا بكت قلت ياربي ماصبرتها
والخيل والليل والبيدا ووجه الفقر=اتطيح من عيني اليسرى لي ناظرتها
حتى هوى الطايف اللي كل ليله مطر=كني مصيف بجوه لاتحضنتها
امحق سنه عاد نفسي فيش وامحق شهر=مافيه مره بعد فرقاش ماذقتها
وانا على شانش ازعل حكومة قطر=عجمي وقلبي خبل لابعتها بعتها
امتن من الضعف واطول من ظلال العصر=يضيع فيها النظر لامنك ناظرتها
ياقلّها يوم الدّ العين يم الخصر=والا تعديت قلّتها تكاثرتها
من المخافه مايوقظك لصلاة الفجر=ومن الطهاره مايفكي لا تيممتها
الا اقبلت كنّها الارهاق بعد السفر=متثيقله من سحا والا تثيقلتها
يدفّها الشوق دف العاصفه للشجر=وتميل لكن تستعدل لا عدّلتها
وساعة ماتزعل كن الزعلان منك بزر=ياجعلك تموت يامحمد مازعلتها
وياجعل مالش ياعيني غير فتنه نظر=والله يلعنك ياقلبي لا همّلتها
الله خلقها بشر لكن غير البشر=الناس من تحتها والارض من تحتها
قالت انا الحمدلله والثنا والشكر=قلت انتي اللقمه اللي مابعد كلتها
قالت على الموت قلت انتي عذاب القبر=قالت لا بالله يبن الذيب مصّختها
الله عطاها شرف مريم وتقوى عمر=وانا اذا ذعذع الغربي توسّدتها
بس اعذروني اذا غنيت يااهل قطر=والله يغفر ذنوبي يوم حلّلتها
ماهو جنون الغنم ولا جنون البقر=شاعر وعندي قصيدة زينه وقلتها
قولولها لاترويني نجوم الظهر=يمّا ترد الخبر ولاعشقت اختها
وسلامتكم
ـــــــــــــــــ
ملاحظه/ القصيدة غير كامله واعتذر ان كان فيه اخطاء في نقل القصيده
18-10-2006, 11:12 PM
العرض الشجري