بنـــــات اليـــــــــوم

[الجنازه]

بنات اليوم برقـع وجـوال=ولاعبايـة كتـف هـم يلبسوهـا

والراس فوق الراس طرحه مع الشال=حتى الخصال الطيبة فقدوها ؟

يوم البنات اللي غدٍ سبت اهمال=ويوم السبايـب اهلهـا هملوهـا

الأم نامت والابو صار تمثال=والبنت تطلع حتى وين ؟ مـا سألوهـا

بالليل تسهر بين هاتف وجوال=والا على دش الفساد سهروهـا

تلقونها ما بين الاسواق واقبال=بلا غرض راحت ولا انشدوهـا

اللبس تلبس كل ما يطرب على البال=وفلوس لو تنقص عليها .. عطوهـا

من شافها باللبس يا ساتر الحال=يسبهـا ويسـب مـن خلفوهـا

كومة لحم وعيون والرمش قتال=وإليا مشت كل الشباب اتبعوهـا

هم ما دروا لون البراقع بتنشال=ونشوف وش تحت البراقع خفوها

يرتاح من صابه من اسبابها هبال=ويشوف والله من عيونه هووها

وين البنات اللي بهم تضرب امثال=ليت السلوم الطيبة ما تركوهـا

البنت زين البنت لا زانت الحال=ما هو بلبـس ولا علـوم خذوهـا

وين المراجل ما بقى غيره أرجال=ليت الشوارب واللحى حلقوهـا

اللي على عاره رضي الذل ينقال=ليت الكرامـة ليتهـم يرفعوهـا

ما عاد ينفع قول فيها ولا قـال=لا الأم والله ولا الأبـو انفعوهـا

اصبح ضياع البنت بسباب (جوال)=البنت ضاعت.. والأهـل ضيعوهـا