قصيدة أعجبتني قرأتها في احد المجلات الشعريه للشاعره ريم الرفاع
اتمنى ان تحوز على إعجابكم
ماتبيني وكـلّ خفقاتـي تبيـك
آه ياذلّـي ويـاقـوة جـفـاك
لو هو الإحساس يشرى لاشتريك
أو نظمت الدمع عقدٍ في هـواك
أو منعت الشمس عنّك لاتجيـك
لَجلْ ماتلمح سوى طيفي معـاك
لاهيٍ عني مـع هـاذي وذيـك
وناظري مسلوب عن هذا وذاك
معبدك بالقلب ماداسـه شريـك
وحدك اللي لاتمنى قلـت هـاك
وحدك اللي في منامـي التقيـك
والشفايا تزهر الـورد بشفـاك
كـلّ مايغلـى عليّـا يفتـديـك
وافتدي بالروح بخلك في عطاك
وافتدي قسوة شعورك وارتجيك
عزتي وياك تفنى مـن غـلاك
لايهزّك ذل دمعـي مـا عليـك
مانِشَدْ قلبي عطيـه لـو نخـاك
انت مخلوقٍ تسافـر واحتريـك
واقضي الأيام طيرٍ في سمـاك
وانت لو تتعب سنينك احتويـك
وامسح بكفـي جبينـك يامـلاك
ماسألتك ليـه عايفنـي واجيـك
ولا طلبت بثار قلبٍ مـا نسـاك
ما أبي شيٍ .. طلبتك أرتويـك
أعطني قطرة و ابحيا في رجاك
إكذب بعمرك دقيقة قـل أبيـك
قولها لوجه الكريم اللي عطـاك
العرض الشجري