الســلام عليكم .. ارجو ان تحووز هذي المتواضعه على اعجابكم ..
انا وهمي .. والمســـافات والليل=
ونــزف القصايد . والجـــروح القديمه
جيناش .. عنوه .. يالعيون المظاليل =
مال العمر .. من غير لاماش قيمه
أثر البطا .. يخلف هقاوي الرياجيل=
وأثر القطيعه دهر .. والوصل غيمه
واثر اللقا .. لاضـــاع في القال والقيل =
مثل الشماته في النفوس اللئيمه
ياأطهر وياانقا من مزون المخاييل =
وياأرق .. من ورد ٍ يلاعب نسيمه
وياأغلى .. من الدينار في خزنــة ابخيل =
وياأصدق من الدعوات .. عقب الظليمه
ويااكبر .. من العدوان .. في شخص ( رابيل ) =
وياأحلى من البسمه .. بشفة ( حليمه )
وياأبعد من العرفان .. عند المهابيل =
وياأقرب من الحسرات .. عقب الجريمه
لاماش .. غايه .. في الليالي المقابيل =
ومعرفتش مكسب .. وشوفش غنيمه
افرح بشوفش .. فرحة البدو .. بسهيل =
واحزن على فرقاش .. حزن اليتيمه
وأشتاق لش.. شوق المطاليق للهيل =
وشوق النديم .. اللي تنّزح نديمه
اروح .. واجي ..وانغمــس في التفاصيل =
وحبش .. مقيم ٍ والمشاعر مقيمه
يعني .. لو أفرض عقب جيلش .. يجي جيل =
تبقين عندي يالعظيمه .. عظيمه
غادٍ .. كما طير ٍ .. وحبش محابيل =
متشربك ٍ .. بين الامل والعزيمه
لكن .. على ماقيل من باب تمثيل =
لاجات ديمه .. ( خالف السيل ديمه )
لاجابتش حيله .. ولا جابش الحيــيل =
يالله جارك من حياة الحريمه ..!!
25-08-2006, 08:18 PM
العرض الشجري