انا حزينه ؟؟؟؟؟؟؟؟؟< ارجو الدخول > ...............

[ساندي بل]

السلام عليكم ورحمه الله وبركاته ..................


اخواني وخواتي اعضاء منتدى العجمان الكرام ................


اتمنى ان الاقي اهتمام منكم والرد علي وافادتي ....................


انا في هذه السنه في تاريخ 21\1\2006م فقدت اعز واغلى الناس لدي وهو جدي ..............


<< انا متعوده في كل عطله اروح انام عند جدي لأنه والله مو بس جدي هو صديقي بعد ... العطله اللي فاتت كنت نايمه عنده والله ما راح تصدقون شلون انا عشت معاه ... كنا نسهر مع بعض لين الصبح وكنا نطالع التلفزيون مع بعض ونسولف مع بعض وكان يسولف لي عن ايام زمان وشلون كانت حياتهم قبل >> ................


<< وكنت انا احب سوالفه حيل حيل كنت كله اسئله عن ماضي الكويت وكان يجاوبني ... وكان مايرضى علي >> .........


<< وفجأه في يوم من الأيام دخل المستشفى لأنه كان يعاني من ضيق التنفس ... والله اني حزنت حيل ... ومع مر الايام تعب جدي حيل ودخلوه العنايه المركزه ... وبعدين ساءت حالته اكثر من اول ... وقال الدكتور ( لازم نفتح له فتحه في رقبته ضروري) وبعد اصراره وافقوا خوالي ووقعوا ... وبعدين انا رحت لجدي وزرته وكانت زيارتي كلها بجي عليه وكانت الممرضه تطردني علشان جدي مايشوفني بس جدي لاحظني وانا ابجي وقعد هو يبجي وانا ما تحملت خذتني امي بره >>...........


<< وفي يوم رحت مع امي للمستشفى ازور جدي وكانت ههاذي اخر مره اشوف فيها جدي.......................آه .............. ولما دخلنا على جدي استانسنا انا وامي لما شفنا ان الفتحه اللي في رقبته صكوها لكن تفاجئنا ان الممرضه قالت لنا ( فتحنا له فتحه في بطنه )............. حسبي الله عليهم ما ادري بامر منو افتحوا له الفتحه ... انا ما تحملت ورديت ابجي عليه وقالت امي لا يشوفج حبيه واطلعي >> ....................


<< قمت انا ومسكت ادينه وقعدت احبها واضمها ... ويوم لفيت علشان اروح ومايشوفني وانا ابجي قام هو وسحب ايدي ... آه ... سحب ايدي والتفت له الا هو قاعد يبجي وعطاني نظره والله اني ما انساها... وهديته بسرعه وطلعت بره وقعدت ابجي وطلعت امي وراي علشان تهديني >>................


كان احنا في امتحانات نص السنه << بعد يومين جانا خبر ان جدي بدا يغيب ... وامي من باجر اركبت سيارتها وراحت له طياره ... وانا رحت لأمتحاني ولما رديت على طول دقيت على امي اسألها عن جدي >>..........

ودار بينا هالحوار .. وعلى فكره انا امي دينه وكانت تدري عن جدي

انا: السلام عليكم هاه يما شلون باباعود ........

امي: ادعيله يابنتي ان الله يشافيه .......

انا: لا يما انا ابيج تقولين لي صار احسن والا لأ...........

امي : انتي ادعيله يابنتي ان الله يشافيه وخلاص..........

انا : لا انا ابيج تقولين لي صار احسن والا لأ........

منيه امي تنهدت وقالت : ادعي يابنتي انه يرحمه مع جميع موتى المسلمين ..........


آه آه آه آه آه آه آه آه انا هنيه ما ادري شنو صار فيني .....

<<جتني اختي ورجلها وخذوني بيت جدي وكانت امي هناك واول ما دخلت طحت من طولي ... جا الكل يقرا علي وانا شوي ويوقف قلبي ...بسرعه جابوا لي ممرضه وعطتني ابره مهدئه ... وحضرت العزا وانا في ملابسي المدرسيه...وبعدها رديت البيت وكان وجهي وعيوني مو مبينه من كثر البجي... من باجر ما رحت الأمتحان رحت مع امي بيت جدي وباليل رديت البيت >>..........

جت عطله الربيع اللي كنت ناويه فيها انام عند جدي (انا نمت بيت جدي لكن بدون جدي )............


والحين انا في عطله الصيف هم بدون جدي ..............


اتمنى اني ما طولت عليكم وارجو انكم تفيدوني وتقولون لي شسوي لأني الى يومكم هذا ما تمر ليله الا اتذكره واقعد ابجي ... وصدقوني الهم والحزن مو قادر يفارقني ...........


ماني مصدقه معقوله ماراح اشوف باباعود مره ثانيه ............


مرحوم يا جدي يا طيب الساس** وياروح ونور منطقه الألماس

فطيـــــــــن ووسيــــــــــــــم وشهــــم** وبمشاعرك وعواطفك حساس

عند الناس المجوهرات اغلى الممتلكات** وانت عندي اغلى من الفضه والذهب والالماس

حلفت يا جدي اني دايماً** بكون لك رافعه الراس

واسمك بالطيب والحسن** ينذكر وينتشر بين الناس


اللهم ارحم جدي واسكنه فسيح جناتك واجعل قبره روض من رياض الجنه وجميع موتى المسلمين.................


تحيااااااااااااااااااااااااتي