إهداء للأخ الولهان

[الرازي]

السلاااام

الأخ الولهان احب ان البي طلبك اللي طلبته من الأخ الخويطري
وهي قصيدة الشاعر حمد بن قريان والتي يقول فيها ( القلب يا هادي)

أرجو ان تحوز على اعجابك واعجاب الأخوة الأعضاء

القلب يـا هـادي بلاويـه عاقتـه
ولكل قلبٍ يا فتـى الجـود طاقتـه
أعزيه كوده يدرك الصبـر والعـزا
حيث إن ما صابه سبايـب محاقتـه
ونا خابرٍ همّـه وغمّـه وحسرتـه
وهواجيسه اللي وين أوجّه بساقتـه
فلا ينفعه فـي مـا تقضالـه النـدم
على من قطع وصله وباقي علاقتـه
وليفٍ ولفت القرب منـه وشاقنـي
جمالـه ومنطوقـه ولّـذة لباقـتـه
حواله وصوفٍ مـا تهيـت لغيـره
تفرّغ له المولى على وقـت فاقتـه
ذبحني بعينٍ مـا تحملـت شبحهـا
الموت في خّز الهـدب وإنطراقتـه
جذبني بها جذبٍ على غيـر شفـي
قلب الخطا من نقرة الجوف باقتـه
وخشم خذا من حد شامـان شـاره
سيف الرويلي يحتمي بـه رفاقتـه
وخدٍ تخالط بـه بياضـه وحمرتـه
شعاع سمش الصبح عند إنطلاقتـه
وذبّـل شفايـاً كنهـا يـوم تقتـرن
جمر الغضا مع جرم سمرٍ لحاقتـه
وإلى انطلق مقرونها عن حصيلهـا
راعي الوثاقه مـا تسّـره وثاقتـه
يتيـه فـي منظـوم بيـضٍ تـلالا
لو له عشاقه مـا تذكّـر عشاقتـه
مع سلبة العاتق ومـا حـل فوقهـا
وحلق تشوف الماء معه من رقاقتـه
وباقي وصوفٍ يتعب الفكـر عدّهـا
تلاقت بجسم ينحسد فـي رشاقتـه
في ما مضا قضبني السمش والقمر
مديون عطف ولطف منه وشفاقتـه
إن غبت حاكاني وإلا جيت فزلـي
بوجهٍ بشوش والغلا فـي طلاقتـه
كفه تكلمنـي وعينـه تقولـي لـي
أشيـاً خفيـه ترجمتهـا حذاقـتـه
يشكي لي همومـه وشاكيـه مثلهـا
شكواه تطربنـي وشكـواي شاقتـه
لي خاطرٍ عنده مجارٍ مـن الزعـل
يدراه وأدري مـا يسبـب حماقتـه
قلبين في روحيـن عنـدي وعنـده
شـنّ أووافـق بالمحبـه طباقـتـه
واليوم غيّـر سيـرة الحـب بيننـا
كنسل ملف الحب وأحـرق بطاقتـه
بينـي وبينـه جرهـدي المسافـه
أسهر وعينـه لـذّة النـوم ذاقتـه
يا قاضي العشاق شف ذي وسيمتـه
في القلب وشبح وسمه اللي بناقتـه
ملكني بشرع الحب من دون مشترى
لعيناه عبـدٍ مـا لكتنـي صداقتـه
لاجيت أجازي بالجفا راعي الجفـا
القلب يـا هـادي بلاويـه عاقتـه

تحياتي لكم
الرازي