الإتحاد الكويتي لكرة القدم .... إلى متى؟

[السلطه الرابعه]

السلام عليكم ورحمة الله وبركاته.....ز


إخفاقات + إخفاقات + إخفاقات ...... ولاتحاد باقي .... وعود + اكاذيب + نفاق...... والاتحاد باقي ..... صحافه ضدهم + الجمهور ضدهم + اللاعبين ضدهم ...... والاتحاد باقي ...... هذا هو شعار الاتحاد الكويتي مع الاسف .. رئيس الاتحاد يظهر على شاشات فضائيه رياضيه ويقول خلاص انا قدمت استقالتي من الاتحاد ويرجع للاتحاد مره ثانيه ليش؟ والله الجمعيه العموميه رفضت الاستقاله مع ان كل الجمهور عارف اللعبه ويدري انها سالفه مطبوخه لتخدير الجمهور المنهار من الهزايم والله عيب .

وفوق هذا كله رئيس الاتحاد يقول اذا ما خذينا البطوله الفلانيه بقدم استقالتي ولا ياخذها والمتخب بمركز متأخر والاخ قاعد على الكرسي ، يعني شي مو معقول اللي قاعد يسير.

اللاعبين يتم اختيارهم بالواسطه والمدرب هم يختارونه ويشرطون عليه ان هم اللي يختارون اللاعبين وهو ماله شغل( ليش مدرب زين مادري بس صوره).

المعسكرات ماخذها الاتحاد واعضاءه اجازات صيفيه ياخذون عوايلهم معاهم تمشي وطلعات واللاعبين تسوق وسهرات بالمراقص وبعدين يبارون فريق بالدرجه الرابعه ويفوزون عليهم بنتيجه ويستانون تقول فايزين على البرازيل واذا لعبو مع المنتخبات انطقو بالثلاثه والاعذار بالمخبا( والله احنا دوامنا مغيبنا والله انا عندي امتحان امس ) طيب اذا انت مو متهيأ انك تلعب للمنتخب لا تلعب يا أخي هذا اسم دوله ومشاعر شعب لازم تراعيها وتحطها بالحسبان قبل لا تدور الاعذار ، ولا بس تبي الشهره وتحط جل على شعرك تقول ستار اكادمي مو منتخب.

احب اقول للجماهير المتعطشه للفوز راح زمانك يالازرق وهذا زمان الازيرق ، وطول ما الاتحاد هذا موجود انسو سالفة الفوز.

نأسف على الاطاله ان اطلنا عليكم وتسلمون على قراءة الموضوع مقدما .