الله يكفينا شر الحوادث ( مرثية )

[شريم]

السلاااام عليكم
هذي قصيده لااحد الاصدقااء كتب مرثيه في ولد عمه
عندما توفى بحادث سياره (( الله يكفينا شر الحوادث ))
فاحبيت انشرهاا لكم لرووعة الابيات وجزالتها




بسم الولي أبـدأ صعيبـات الالحـان=وأجر بأعلى الصوت والكل يوحيـه
ويالله يالمعبـود خــلاق الأنـسـان=ياالواحد المعبـود والخلـق ترجيـه
ويخالق الجنسيـن صحبـه وعـدوان=ويـا مقسـم الأرزاق والعلـم بيديـه
أنت الرحيم اللي على الخلق رحمان=وأنت الـذي عبـدك تميتـه وتحييـه
ويارافعاً عرشه على غيـر عمـدان=وليـا سألـه العبـد بالكـوم يعطيـه
ومرحوم ياللي ما ذكر غير بأحسـان=مرحـوم يامبـارك ولانيـب ناسيـه
العـام لـه مجلـس ودلـه وجيـران=واليوم وسط القبـر محـداً يحاكيـه
والعام له كلمـه ومنطـق وبرهـان=واليوم مـع ذكـر الوفيـات نِطريـه
ياموت عنـه كيـف ماجـاك نسيـان=وش فيك ما صديت عنه وأنـا أفديـه
وش فيك تهجد خلـق ربـك مسيـان=وش فيـك ماعلمتـه أنـك مخاويـه
ما تدري أنه كان لي ثالـث أخـوان=وأنا أدري أنك حـق والحـق مابيـه
حاش المراجل فـي حياتـه كحيـلان=بالمرجلـه والطيـب بانـت مواريـه
يدي حقـوق النـاس كيلـه وميـزان=وله مجلسـاً بالطيـب والعـز بانيـه
ويتبع رضا ربه ولا أغـواه شيطـان=ويارب أنا شاهد وفرضـك يصليـه
بالديـن والتقيـا وقــوه بالإيـمـان=ويمشي مع الطيـب بطيبـه يخاويـه
ويالله أنا طالبك مـن غـر الأمـزان=تسقي نصايب قبـر حايـل وراعيـه
تمطر عليـه أعـوام وأعـوام ودان=وتنبت زهور العشب والقبر تكسيـه
وياخذ دهر والقاع مانّشـف رويـان=ياوامـر عبـده وبـالأمـر ينهـيـه
أدخله يامعبود فـي خضـر وجنـان=في جنـة الفـردوس يـارب تاويـه
ووسع عليه القبـر ياوالـي الشـان=أنتـه ولـي الكـون وأنتـه مسويـه
خله مسيـرة عـام ياخالـق الجـان=ومن الخطا والذنـب والجـرم نقيـه
وعطر عليه القبـر مسكـاً وريحـان=وأفرش له المسكـن بعنبـر وكاديـه
ويابوي أنا نومي تـرى مابعـد زان=أبكي رفيقي مثل يـوم أنـت تبكيـه
ويابوي أنا قلبي ترى اليوم مرضـان=والجرح وسط القلب محـداً يداويـه
ويابوي علمني عن العلـم وش كـان=وش فالزمـن قامـت تكاثـر بلاويـه
قـام يتقلـب وقتنـا أشكـال وألـوان=من عقب ماهو صافياً كـدر صافيـه
ويابوي أنا برثيه لو هرجـة ألسـان=لهـو كـلام ألسـان مانـي مخفيـه
أوزن بيوت الشعـر حبـه ونيشـان=وأصخر بيوت الشعر بالغصب وأرثيه
ويابوي انا برثيه ولو صـار نقصـان=المعـذره يابـوي شابـت قوافـيـه