النســـــــــــــــــــــــــــــــــــاء أجمل الكائنات

[حمد المخيال]

مساكم الله بالخير جميعا
النسا أجمل الكائنات علي الأطلاق وأغلاها
ولكم مني

من يقول ان النسا كل النسا متساويات
التجارب علمتني وفتحتني ونورتني
سامحوني وأسمحولي وأعذروني ياخوات
الحكايه صدفه وحده جات جنبي ونشدتني
بصراحه أنشدتني قول رأيك فالبنات
لا أكذب لا أجامل فوق مصحف حلفتني
قلت لحظه واستريحي وعالنبي الف الصلاة
ما ازور فالحقايق وانتي الي خابرتني
كان قصدش تحرجيني ويا احلى الكائنات
شوفي قبلش كم وحده بالشطانه ما غلبتني
النسا محلا النسا منقبات وسافرات
مره وحده اجرحتني وجات الاخرى عالجتني
البنات ألهن مزايا كاملات وناقصات
انتي مثلا يالعبيطه رغم جكرش عاجبتني
تعجبيني لا خفيتي شين خلقش بالعبات
وان تمايلتي شويه قلت هذي اذبحتني
من غلاكم ودي ارجع صوب عصر الجاريات
من غلاكم ودي املك كل وحده اشبحتني
من غلاكم قال ناصر النسا سكر نبات
من حلاكم قال خالد البراقع اخلفتني
قاطعتني وهي تردد كل حكيي مجاملات
بصراحه يا جماعه هالهبيله ابلشتني
ضايقتني بالسوالف لين جبت الصافيات
وهي تضحك وتغامز تحسب انها قالبتني
ما درت اني مدافع عن حقوق السيداات
لو تحاول الف مره عن طريقي ما ثنتني
افهمي بعض الحقايق واخذي العلم الثبات
البدايه في سؤالش والقضيه هيضتني
كم عاقل جنننه هالبنات الناعمات
وكم خبلن سنعنه هذي الي اعجبتني
لا وطت بيتن تعزه للمراجل رافعات
الرجل قام يتباها بنت ابوها ساترتني
محشمات مأدبات مصليات وصايمات
هن بنات وهن خوات وامي اللي ارضعتني
من غلاهم وصا ربي بالنسا المؤمنات
وانتي جيتي يالهبيله في غلاهم لايمتني
منهو يقدر يوفي حقن من حقوق الامهات
والا زوجه في همومي شاركتني وقاسمتني
استدارت ثم قالت والنسا الضايعات
هي تبيني اتكلم باللعانه ضايقتني
كيف اخالف شرع ربي والنسا محصنات
لو يزل ألساني كلمه في جهنم أحذفتني
اتركي الموضوع احسن يعني كافي مناقشات
ثم راحت وهي تتمتم يمكن انها افهمتني
وسلامتكم