هـدية أم غـائـبـة

[فلاح بن ملبز]

قالوا عيد الأم بعد يومين=وقلت هدية أمي من حقه أهديها
كنت اقدم لها من عمري سنين=وأقصر على نفسي بس ودي ارضيها
وأفرح لا شفت الرضا بنظرة العين=وأحس براحتي وأنام بين إيديها
بس حسبي على وقتي الشين=فرق بينها وبين وليد يحبها ويغليها
لا شك ما لها ثمن ولا تقدر بالملايين=ذكراها بقلبي من الصعب أنا أنسيها
وصورتك يا أمي محفورة بوسط العين=أشوفها الصبح وبالليل برمشي أغطيها
قالوا فقير وما عنده فلوس مسكين=قلت مسكين اللي بيد الغير امه مخليها
يطوف وقته اليوم وباكر وبعدين=ولا فات وقتك سنين عمرك تندم عليها
من زعلانه عليه أمه يراضيها الحين=ويعوض لها ما فات من أيام ماضيها
رضا أمك بعد الله آمر به الدين=وقال الله جنات الخلد تحت رجليها
صحيح أن الأم كلمه لها حرفين=بس كثيرة بالقلب وكبيرة معانيها

للشاعر / عبدالرضا راضي