اضحى الضحى والكرا ماطاب بعيوني = ماطاب كود السهر وافكار الاحبابي
مهموم محزون والعالم يلوموني = كن مالهم صنعة ٍ ياكود بااعتابي
لاقلت ياقوم منكم بس فكوني = قالوا مريض انت نفسيّه بك اعصابي
ولامن سكت ابلشوني مايخلوني = وزادوا همومي وجرحي زاد بااعطابي
ياليت خلّي درا بالحال وشلوني = الحال ولاّ وحيّر كل الاطبابي
غدا كما العود يابس واصفر اللوني = خطر ٍ عليه الكسر واليا انكسر عابي
ارجي وصاله وياس البعد ملعوني = يدفع بشين الفكر واوهام الاسبابي
واتعوذ ابليس ثم ارجع على اظنوني = وراسي تصدّع وفوق المشكله شابي
يازين وينك ترى موتي قده دوني = الموت قرّب وعجـّل وافتح البابي
لاعلّها فوق صدرك ترقد اعيوني = وآشمّ عطر ٍ فقدته من زمن غابي
وسلامتكم
الشاعر/سعود ارتيبان الجويّر
العرض الشجري