قصيدة تعجب واستفهامات شعريه!!؟؟ قاابله للنقد الفعااال...

[دوحان ابن عمودان]

السلام عليكم ورحمة الله وبركااته

هذي قصيده مرسلها لخالي اعبر فيها عن نقاط مهمه في تغيرات الحيااه وارجو ان تعجبكم ..

اتقبل منكم الانتقااد بصدر رحب .. ومنكم نستفيد ...

والقصيده تقووول ....

بديت باللي بسط ارض ورفع سماوات=عالم الغيب رازق الكائنات الحيه

ملهمني الشعر بأوقات ومن غير اوقات=ومصخر لي قوافي القصايد القويه

وانا مؤمن بان الاعمال بالنيات= وان لكل امريء مانوى من نيه

لكن ياخال ويش الحيله وايش السوات=الى امتى اضحك واجامل ونفسي شقيه

اجمع مابقى من شتات صبري اشتات= وابقى على مابقى لي من قل البقيه

غديت كني والله اعلم شبه النبات= اموت واحيا اذا احدن اسقاني الميه

اتسلى بالسوالف واتناسى السكات= واخذ عبرتي من اللي تحاشى الخطيه

واذكر اني بصغري كنت ابني الحكايات= ولا اسكت الين مااسمع ياجعلك الحيه

ومع مرور الدراسه ومع مرور السنوات= وبعد ماساقني حظي صوب العسكريه

كانت نفسي ماتنفتح الا لمفطحات= واليوم سندويشة جبنه من البوفيه

وانا ودي ولا ودي بقول الخرفات= لكن زود الشعر عندي سوى له قضيه

فأن رجعنا للعمل ثم قلبنا الصفحات= نلقى ثابت واستعد والا دق التحيه

فأن حكينا او شكينا قالو ذي دعايات= وان سكتنا او صبرنا واصلنا الاذيه

فيافرحة شارون يوم قالو مات اعرفات= فرحة اللي جايب(ن) في شهادته ميـه

فيابعدنا منها وياطول المسافات= والسعاده عن حياة اللي مثلي ملغيه

يعني لو جمعنا من شعراء وشاعرات= ثم طلبنا كل شخصين يسوا امسيه

لوجدنا التعجب ثم يليه استفهامات= وهذا من هاوين الامسيات الشعريه

صارت الشغله كورة قدم من مباريات= والفايز يعطونه ميداليه ذهبيه

وانا ادري ياخال بأني ازعجتك انت بالذات= لكن خذ مني السوالف من باب العفويه

هذا وعلى.. نبينا.. محمد.. صلوات= يختم اللي قلته في قصيده ...تلقائيــه

وسلامتكم مع تحيات دوحان بن عمودان