محاولة مجاراة أبيات مهرة الصمان

[نبض المعاني]

بسم الله الرحمن الرحيم

ذكرت الأخت المبدعة مهرة الصمان أبيات وأعجبتني فأحببت مجاراتها:

تقول مهرة:

قبل ماشـوف الرسالـة ابتديـت=ياحبيبي جعـل تفـداك العيـون
انت حبي وانـت ليـة ماحييـت=وانت كل اللي على عمري تمون
عن غرامـك ياحبيبـي مانتهيـت=ومن يحب بصدق ماوالله يخـون
لو كتبت الشعر فيكم بيـت بيـت=مايوفي قـدر هالقلـب الحنـون
دايمـآ بالبـال ماعنكـم سليـت=وكل صعب دونكـم والله يهـون
أنت بس اللي على بالي طريـت=بكل لحظه لاتقولي من اكووووون

-------------------------------

وفي محاولة متواضعة مني لمجاراة أبياتها قلت:

مذهبي في الحب ماعنـه حديـت=والوفا طبعي ولعهـودي اصـون
إن حصلتي والا غيرك مابغيـت=بعت أنا العالم وجيتك يـا فتـون
نجمتي إنتي على نورك سريـت=غيمة(ن) تختال من بين المـزون
قبل اعرفك لاعشقـت ولاهويـت=مادريت ان الهوى فيـه الجنـون
لو نويت البعـد والله مـا قويـت=كيف بنسى من سكن وسط الجفون
فيك انا يا روحي ابـدا وانتهيـت=لو يضيع العمر أو مهمـا يكـون

ابن زابـــــــــن