لاقيل جمع الاد مفلح مقابيل

[الفازع]

قصيدة للشاعر " عبداللة المعيكل " فى المهندس " فاضل بن طالب الذهيبان "

( لا قيل جمع آلآد مفلح مقابيل )

للطيب ذكر وللمراجل مشاكيـل = وكلِ على فعله يلاقى حصيلـه
والا ذكرت الطيب عد الرجاجيل = عد الذى عندك علومه جميلـه
نهار ورتك الليالى بهاذيــــــل = له موقفِ عندك يعادل قبيلـه
تبرك من حمولِ ثقيلات ويشيل = ياما وياما جيت تزبن دخيلـه
لاجيت ويدينك اخلافك مغاليل = ماتروح منة الايدينك طويلـه
قل فاضل بصوتِ بعد ينسمع حيل = ياسعد عين اللى وقف يرتكيلـه
الا عطا يعطى كما يعطى النيل = دايم وابو محمد يمد الجزيلـه
ولا يتبع النفعه مثل غيره القيل = ولايسجل بالدفاتر حصيلـه
من جاه متضايق يروح بتساهيل = عز الرفيق وعز عابر سبيلـه
فاضل ولد طالب ولد متعب الخيل = الضيغم اللى قل والله مثيلـه
حلحيل يِعرق في رجالِ حلاحيل = صنديد رايه لا تضايق دليلـه
ينفع صناديدِ ويرحم مهابيـــــل = كلِ على صدق النوايا عميلــه
من جرتّه عسر الليالى على ميل = ينصا الذى مايقول هاذى ثقيلـه
من لابةِ تنطح هل الخيل بالخيل = شوآولة واهل السيوف الصقيلـه
الا مشوا كنهم كما هدرة السيل = سيلِ وما توه بقوه يشيلـه
كن الفشق لا ثار صوته مواويل = بالصدر ينطح لا تزايد هميلـه
لا قيل جمع آلآد مفلح مقابيل = جمعِ سعد عين الذى تحت ميلـه