أشـهر الخيـول في نجــد

[كويتي]

سوفَ نُبـيّنُ أبرزُ الخُيـولِ العربيةِ وأشهرُ السُّـيوفِ في نجـد :
أولاً : ( الخيْــل ) :

يقولُ المُصطفى : " الخيْرُ معقودٌ بِنَواصي الخيـلِ يومَ القِيامه " ... صدق رسولُ اللهِ صلّى اللهُ عليهِ وسلّم
لِهذا أردْنا أن ننشُر أشهر الخُيول التي أُشتُهِرت بنجـد :

1) ( العزِبَـه ) :
فرس عتيبة ، وهي التي أُخِذت إلى ذيب بن شالح بن هدلان القحطاني بعد معركة بين الدواسر و العتبان
و كان لونها أصفر غريبة الشكل . و كان محمد بن سعود بن فيصل و أمير حائل محمد بن رشيد أرسلا
بِطلبِها منه ، و ردَّ عليهم بأبياتٍ من الشِّعر :

أنا ليا كثرت المِشاوير ما شيـر=وحلفت ماني بارز مـا دعانـي
وأنا صديقه في ليالي المعاسيـر=و الاّ الرخا .. كل يسِـدّ بمكانـي
وشوري ليا هجّت توالي المظاهير=شلفا عليها رايِـب الـدم قانـي
مانـي بخبـلٍ يعـرف المعاييـر=قِدني على قطع الفرج مرجعانـي
إن سنّدوا حدّرْت يـم الجوافيـر=وان حـدّروا سنّـدت لمريغانـي
ناخذ بخيران المريبـخ مساييـر=وما دبر المول على العبد كانـي

(أرجو التأكّد مِن الأبيات)


2) ( كـروش ) :

لعلّها مِن أشهر الخيل ..
وكروش هي سلاله وليست فرسا -كما أعرِف-معينه ولكن أشهر تلك السلاله هي فرس الأمـير/ عبيد
ابن رشيد التي قال فيها :




يابيه أنا لكروش لا أهدي ولا أبيعقبلك طلبها ........ وابن هـادي



(نسنا الشخص الثاني اللي طلبْها منّه)

(جديرٌ بالذِّكر انه كانت عند الحميدي الدويش ايضا فرس من كروش حيث يقول فجحان الفراوي :

مات الدويش ومات له عن بضايع= شعاع والصمان وكروش والشرف

3) : ( الجنيديه ) :

فرس بنية الجرباء المتوفي عام 1231

4) : ( الحرقاء ) :

فرس مشهورة للشيخ محمد بن هادي شيخ قحطان , كان لامام فيصل بن تركي غاضبا عليه
بسبب خفر جماعته لعهد الإمام وكان ذلك في اواخر عمر بن هادي فتوجه إلى الإمام وأهدى
عليه هذه الفرس المسمّاة الحرقاء وحصان اسمه ( نايف) فلم يقبلها الإمام لشدة غضبه فقال
الشيخ محمد :

يالله يامنشـي مــزون طـايـف=افرج لمن هو مايجي درب منقـود
ادنيت انـا الحرقـا وقلـط نايـف=و ردُّوا على الهدوما أبغي له ردود
نايفٍ على اسمه جا عديم الوصايف=منفله ربي علـى الخيـل بـه زود
ابـوه سبّـاق لخيـل الطـوايـف=وامـه ثمنهـا تسـة الاف منقـود
ياشيخ لاتسمع هـروج الحفايـف=خذ جابتي يامنقع الطيـب والجـود
لو كنت عودلـي فعـولٍ عنايـف=وربعي تطاوعني على الهون والكود
حنا علـى ضـدك جبـال نوايـف=وحنا لك أطوع من عبير ومسعـود
لي لابة تـروي حـدود الرهايـف=لاجا نهار فيـه حـاوي ومطـرود
مانشتحن من حرب كـل الطوايـف=والى بدا لازمك حنـا لـك جنـود
شد العتيبي من ورا كشـب خايـف=ولا يحد ركـود يبـرا لـه القـود
وشد المطيري من خشوم الردايـف=وان سندوا وردوا حنيظل وابـا دود
لي لابـةٍ مـا جمعـوا لاالعلايـف=من نسل قحطان وتعزا على هـود

5) ( الحمـراء ) :
فرس مشهورة لراكان بن حثلَين وقال فيها :

الله مـن عيـن تزايـد عنـاهـا=قلب الخطا شفته عن الزاد منصاع
من شوفتي حمراي تقصر خطاهـا=ومتغير زيـن التخلخـل بأضـلاع
ياسين يايد سابقـي ويـش جاهـا=عسى لهـا رب المقاديـر منـاع
مادري سبب أو لطمةٍ في حْذاهـا=أشوف قلبي عقب هالضلع مرتـاع
الهقوة انـه عيـن قـرد رماهـا=مانيب من اللي دِبْر الـرب جـزّاع
ياليت من يـدري بغليـة دواهـا=وانه يدور بيـن شـاري وبيـاع
أطلب عسى مولاي يدفـع بلاهـا=الخيـر اللـي للمقاديـر دفّــاع
السابق اللي شف عينـي مناهـا=لا قرّبوا لسروجهم كـل مطـواع
لا قربوا قحّص الرمك من كساهـا=دنُّوا لي اللي كنها عنـز مقطـاع
لا شفت القنّـاص غـروٍ رفاهـا=وحقت على زولة معا سد متبـاع
جوادى اللـي كـل شيـخٍ بغاهـا=ولاني لعِلم اللـي يبيهـا بسمّـاع
تهيّالي الحمرا وأنا اقصي هواهـا=لاطار ستر مخوتمة عشر الأصباع
لاجات سرة ساعـة مـا وراهـا=عند التوالي تعترض تقـل فـراع
عند الطحوس اللي هفَت في غذاها=والخيل من ضرب المزاريق خراع
ويمنى يقصر فعلها مـن حكاهـا=تعدي من الشمس المذوب الى ماع
وان كان غب الكون ما اطرى نباها=تقصر عن الفنجال أبو خمسة أنواع
مع لابة في الضيق تـروي قناهـا=لباسة الماهـود وسمـول االأدراع
راماية للشيـخ فـي منحـا هـا=على ظهور مجاذبة كـل مصـراع
بصوارمٍ كِـن المشاعـل سَناهـا=يشبع بها طيرالخضيرا الـى جـاع
وكم سريةٍ منهـم يتامـا فلاهـا=مـن كـف كـل مجـرِّبٍ اوقـاع
حريبنـا حنـا لعيـنـه قـذاهـا=وان كالنا بالمـد نوفيـه بالصـاع
نقـدا مظاهيـر طـوالٍ خْطـاهـا=ياما حرمنا هجمـة كـل طمـاع
وراعي النفود وخدّها اللي وراهـا=يجفل الى من حن نوينا بالأفـزاغ
ومناقر الصمـان خلـوا شفاهـا=معف جوانبهـا شبـا كـل قطـاع
لا نثرت دهم السحـا يـب ظناهـا=وغدا قرار الصلب نبته له انـواع
كـم ديـرة قفـر رعينـا حماهـا=لا طاح من غر الهما ليـل لمـاع
وصلاة ربي عد ما هل ماها =على نبي للمخاليق شفّاع

6) ( ختله ) :
فرس لشاعر قحطاني اسمه محمد الشعرا قال فيها :

أبا اتخطـى النـار يـم العمـودي=باغ يسوى لي من الكيـف منقـود
وانا فدا اللي جاب ختلـه يقـودي=من ذخر ابوي وجاذبه منقع الجود
جاني بطافحـة الـذراع اليهـودي=مقرى فرايدهـا حليـب ام عنقـود
كن ينطلق من ظهرهـا عقـودي=لاجت تهش الذيل والراس مشهـود
ياغي الا واخم على الحمض ذود=يأقودها وانا علـى منكبـي عـود
خيّال حمض المستـوِي والنفـودي=بشلفا تلظى حاشي جباهـا العـود
وان هج زمل مروعات الخـدودي=على من بعض المحاريف منقـود
أرادها ليعـون ضافـي الجعـودي=لا صار وسط الزمل عاري ومشدود

7) : ( خلفه ) :
فرس خلف الأذن من الشعلان من عنزة قال خلف فيها :

خلفه معديها مع أولاد جمعـان=اللي يعرفون الثنـا والجمالـة
ياغ عليها يوم روغات الاذهَان=وكل هفا به فعل جـده وخالـه
الكد عليها واجعل العمر ماكـان=والشيخ وان شافن يصيبه جفاله
أنا على خلفه وبالكف شـام*ان =وكم راس شيخ عن تراقيه شاله

وأتمنّى مِن كل مَن يعرِف أشهر خُيول نجـدٍ .. التفضُّل ،، والزياده على الموضوع

منقــول من عدة مواقــع

كويــتي