صوتك..أخذني.. ما سألته على وين & إلا اني اعرف رغــــــبتك في حبيبك
أبحرت من دون اختيــار وعناوين & وفي خــــــاطري اكون لك من نصيبك
والســاحل الشرقي سحرني بثنتين & بحـــــره وصـــــوتك ياعسى الله يجيبك
………………………….........………………………
ياظامية للـــــــوجد والــود تكــــفين & الله قـــــدّر وامتــلـكــــــتــــي طبيبك
في نبرتي لـهفة وشوق ومضامين & وفي نبرتك ســــحــــــــرٍ جذبني لطيبك
لك نغمة توحي بصـــدق الموالين & بوحـك أســـــرني خـــــــايفٍ اشتقي بك
وعــفـــويةٍ هـــــزت جميع الشرايين & وعــــــــــذوبةٍ يزدان فيها الحكي بك
وألفاظ عــذرية بنـفـح الرياحــــــين & تجعلني انسى مـــــا مضى وابتدي بك
والمـفـردة من منطـقـك تعكـس الزين & وتلامس اوتـــــــارٍ بمـهجــة أديـبك
حتى بصمتك استمع لك تقــــــــــولين : ( حــــنــان روحي ياغلا يعتني بك)
صرت استشف أفكارك اللي تـشحـّـين &في طرحها من خوفتي لااكتوي بك
وبصادق احســـــــــاسك وجدتك تغنين & أنشـــــــــــــودة للحب ماتنتهي بك
………………………….........……………………
وش عاد.. ضعت ! وكنت خـيرالمودِين & وكان الضياع انتي فاناالمبتلي بك
ولاعدت احس بعالمي وقت تحكين & احس بك واحـــــــــيا معك واهتني بك
………………………….........……………………
وابقى ارسمك بالكف والقلب والعين & واشاهدك وان غاب شخصك اجيبك
ونفسي تنازعني من الحــين للحين& واظمى على الحالين:كيف ارتوي بك؟!
وجروحي العطشى شكت لك من البين & بالله وش عذرك وهــي تنتخي بك
………………………….........……………………
لا يالشعور اللي يخـــــــــالجني سنين & زادت تبـــــاريحـك وجـد المشي بك
ودي تطول الســــــــــــالفة بيني وبين & ذاك الخيـــــال اللي جعلني صويبك
واشعل شموع الوصل رجوى المحبين & واخشى يحول الوقت قبل التقي بك
جيتك وكلي شوق والقـــــلب مسكين & يشــكــي عليك وغـايته يكـــتـفي بك
وتاهت حـــــروفه ماتبي غير تلحين & واعزفـك ياأعذب غـلا واغـتـذي بك
………………………….........……………………
اتمنى ان تحوز على اعجابكم وشكرا للجميع .
28-08-2005, 11:44 AM
العرض الشجري