حب نجديه =فيصل المشوط(الناصر)

[مواثيق]

إل

إلى مـن بـلاك الله بعيـون نجديـه=توخ الحذر وابعد ولا تنتظـر ساعـه

ترى طرفها الفتّان ميّـه علـى ميّـه=يصيب الهدف عن بعد ما ينفع دفاعـه

لمحت الغظي واثري على جال مطويّـة=سهم كان كافي يطرح الطيـر بالقاعـه

رمتني على غفلة ولا ادري وش النيّه=فلا لي بدرب الحب ولا ني من اتباعه

وسمّيت خايف احسـب الريـم جنيّـه=وتعوذت منها واشعرالنفـس مرتاعـه

وردّت علـيّ بكـل عطـفٍ وحنـيّـه=وقالت علامك ، قلت بالقلب أوجاعـه

صويب العيون السود وش نيتك فيّـه=تراني رهيف القلب والـروح جزاعـه

انا ما حتمل جيش بصواريـخ ذريّـه=تدمر حشاي وتترك النفـس ملتاعـه

اسلم لك الرآيـه وابرفـع لـك يديّـه=فلا فيه نديّه ، لـك السمـع والطاعـه

انا الذاهـل الحيـران قـدّام حوريّـه=وانا اللي قتيل رموش بالحيـل لذّاعـه

ولكن وش اللي جايبك صـدق يابنيّـه=وش اللي تبينه من فتى شفتي اوضاعه

"أبي الحب"، قالت ، لكن بكـل جديّـه=احب الطيور اللي من الطرف مرواعه

وشدت يدي كالطفل تمشي بـه شويـه=واذا من تلوّى وصاح تعطيه رضاعـه

تسولف على راسه وتهدي له اغنيّـه=وتهده على الرجلين من بعد اشباعـه

رضيع مع الطفلـه والاحـلام ورديـه=بحبٍ عفيف وكل طفـلٍ لـه اطباعـه

وحطتنـي بشبـكٍ يقولـون زوجيّـه=تفرّج علـيّ ولفـت الطيـر بقناعـه

ولا احـدٍ يقـرّب فالكميـرات مخفيّـه=بصوتٍ وصورة تفضح الحال شنّاعـه

اطالع وانا بالشبك فـي حـال مرثيّـه=ابنحاش لكن شدنـي الوقـت للقاعـه

بعصافير تضحك لي وتشقيني شويّـه=وتنتف بريش الطير ما خلّـت ذراعـه

حياة الشقـا ياطيـر فالرجـل ملويّـه=على الحال تبقى تندب الحـظ للساعـه

سبب نظرةٍ عمرك مضى وسط محميّه=وغيرك طليق ودالـه بزيـن مرباعـه

هذي قصيده الى فيصل المشوط في احد المجلات الشعريه