قصيده في ابن منيخر وابن هويج

[نـآيـف بن فـهـد]

بسم الله الرحمن الرحيم



هذه قصيدة الشاعر الجزل : عبدالله بن محمد بن حفول ال سعد

في الشيخ / شافي بن خميس بن منيخر
والشيخ/ محمد بن هويج بن حيدر ال هويج







لشافي بن خميس سق ياراعي الفنجال
وعده عن اللي ماعرف واجب الخوه


ابو منصور اللي جعلهم فدوته الانذال
غمرني بطيبه وقال شو الحكي شوه


عسى كل دار ينزله بالحيا همال
تنصاه مقبلة المخاييل من توه


شجاعاً كريماً ينطح الضد والعيال
يعَقل القعود وفي المراجل شاعقن ضوه


هجوس المعاني جرت الصوت والموال
تصور معاناة اللذي مظلم"ن" جوه

تسابق على شافي بعد مانوى الترحال
جفاها وداع حسرته غير ممحوه


حفيد الرجال اللي لها في الكرم مدهال
اهل عزوتن ترجف بها يام وتنوه


ليا قال ابن منيخر يعني شموخ جبال
ذرى اللي شكى من جور الايام وعدوه


عرفناه من ذكره قبل شوفته نزال
بمجلس كريم "ن " فيه نخوات ومروه


محمد ابن هويج وافي وسمح اقبال
كريم السبال الله يعديه من سوه


سليل الصقور اللي تسابق على الافعال
مخاليبها للطيب في غاية القوه


ذكر حيدر"ن" وهويج في قايمة الابطال
من العهد الاول فعلهم ماهوب توه


سلامي عليهم عد ما انشى وهل مخال
اهل مجلس"ن" عامر ليان الوقت وقسوه