قصيدة غالي العمر

[منووورة]

**كثيـر الـلـي تمنـانـي وطـلـب ودي وﻻ‌جيـتـه
ازعلهـم وابكّيهـم واراضـي منـهـو اشقـانـي ...
انـا بانـدم علـى خـل ٍ رجانـي حــب وخليـتـه
وﻻ‌ بانـدم علـى منهـو رجيتـه حـب وخﻼ‌نـي ....
صحيح الوقت ياصـاح يبيّـن كـل مـا اخفيتـه
وانـا كلـي غـﻼ‌ اعطيـت وبالـجـرح تجـزانـي ....
انا من وقت ما شفته وعشقته حيل وحبيتـه
فديتـه غالـي العمـر وملـك قلـبـي ووجـدانـي ....
عطيته وما حسبت حساب جروحه وتحاليته
وقلـت الله علـى خـلـي هـديـة ربــي وجـانـي ...
مـا دام الغـدر إسلوبـك وحبـي لــك تناسيـتـه
دخيلـك امسـح ارقـامـي واسـمـي وعنـوانـي ...
انـا مالـي بحـب أبـكـم جيـتـه وكــم ترجيـتـه
طلبتـه يقـول احـبـك بــس ولكـنـه تناسـانـي ...
غريبـه دنيتـي والله غريـب الـحـزن عانيـتـه
غريبـه حلمـي يتحطـم وعمـري كلـه اعانـي ...
انا الطيبه من عيوبـي وصدقـي طفـل ربيتـه
وعلمته على اﻻ‌خﻼ‌ص لكل إنسـان ماشانـي ....
خسـاره مـا بـدر مـنـي لـكـل إنـسـان رديـتـه
خسـاره ليتنـي فـكـرت قـبـل اخـتـار خـﻼ‌نـي ...
أنا آسف..أنا آسف يـا اغلـى شخـص حبيتـه
ابرحل واترك العالم واعيـش الفرحـه ثوانـي ...
ابرحل في سما عشق ٍ بكـل إحسـاس ناديتـه
وابرحل عن عيون الناس وعن حب ٍ نساني**