حنا العرب يـا مدعيـن العروبـه=و حنا هل التوحيد وانتم له اجناب
و حنا شروق المجد وانتم غروبـه=وحنا هل التاريخ و أنتم به أغراب
يوم الفقر شلتـوا علينـا عيوبـه=واليوم عقب النفط جيتوا لنا أنساب
ويوم الفقر فينا البـداوة سبوبـه=واليوم صرتوا مثلنا بدو واعـراب
لو الهوى منكـم منعتـم هبوبـه=لا شك رزاق المـلا رب الأربـاب
و لو المطرمنكـم منعتـم صبوبـه=لا شك رزق الخلق من عند وهاب
جيش الحسد سقتوا علينا حروبـه=كل يبي يزرع على جسمنـا نـاب
حرب على المحسن تراها عقوبـه=بالله عساكم مـا تفيـدون حـراب
ياما عطينـا مـا نـدور مثوبـه=الا من اللى من ترجاه مـا خـاب
و ياما نصرنا صاحب ضيقوا بـه=عاداتنا نقدم الى ما لـردى هـاب
و ياما نصانا مـن تعثـر دروبـه=يدخل حمانا من تعذرها الأصحـاب
حنـا بنينـا دارنـا مـن طيوبـه=و انتم سلبتوا داركم كل ما طـاب
الله سقانـا مـن بحرنـا عذوبـه=و انهاركم مثل البحر هدر تنسـاب
حنا زرعنا الحب بارض خصوبـه=و أنتم زرعتوا كره الأجيال بتراب
وحنا دعينا السلـم نوبـه ونوبـه=وانتم حمام السلم بعتـوه بغـراب
يا من دعا للحرب ما ادراك خطوبه=لا تحسب أن الحرب تهديد وخطاب
من شب نار الحرب يصلى شبوبه=ومن ثور الفتنة تعرض للأسبـاب
ما يستر الرجـال ملبـوس ثوبـه=الدين وافعال الكرامـة لـه ثيـاب
الامير / خالد الفيصل
العرض الشجري