نويت ارتآح ..

[شيوم العجمي]

بس آنتهى وقُتك و بطلنآ هوى
آلغيت في قآع آلحشى مسآحتك

ذٍيب آلمحآني من قسى جؤرك عوى
يلين جف المآ و ماتت واحتك

تلويحتك فيها حزن لكن قوى
قلبي على توديعك و لوحاتك

شربت فنجال الصبر لين ارتوى
صبري لو ان دلال شوقي فاحتك

ذموك عقبي عقب ما طال النوى
و اللحين شف وش هو قضى مداحتك

خلوك جرحـ"ـن هاملـ"ـن ماله دوى
و كذبك علي ما تغيره صراحتك

من كثر ما قلبي بطعناتك روى
عيت جروحي كلها ما باحتك

لا تعتذر عن غيبتك مالك لوى
دام البروده ف الغرام اجتاحتك

كنآ سوى و اللحين ما حنا سوى
انا نويت ارتاح و انت براحتك