قبل الوداع ..

[*ابوخالد*]

قبل الوداع ابكتب ابيات وحـروف
وانت افهم المعنـى بكيفـك وسَمّـه

قبل الوداع أبشرح أحوال وظـروف
ابيـك تفهـم كـل شـي ٍ بذمّـه

قبل الوداع بدون حاسد وملقـوف
بقولـك حرفيـن جـدا مهـمّـه

ترى المحبه شوق واحساس ٍ وخـوف
تعطيه من يعطيـك روحـه ودمّـه

بعض الحكي يجرح وطعناته سيـوف
وإسال ألسانك عن مضاريب سِمّـه

صحيح أحبك موت لو تطلب الشوف
بس أجمـع الصـوره بحرفـي ولمّـه

كرامتي هي راس مالـي ومعـروف
أن الكرامـه كـل مسلـم تهمّـه

إنسان حبك قال من داخل الجـوف
تروح ؟؟ ترجع؟ تنتحر ؟؟ مايهمّـه