ماتت الاحلام ... واحساسي ذبل
والبقيّه في حياة اشواقنا
مو غريبه لو عن عيوني رحل
أو تناسى حبنا وايامنا
الغريبه يوم ودّعني ..سأل
قال تكفى وش مصير احلامنا؟
قلت له دام اللقا طعمه عسل
ماتذوقه لا نويت بعادنا
روح وانسى بيننا وش هو حصل
باجر الدنيا تزيل احزاننا
الامل ما عاد يعنيني امل
الامل دمعه بوسط اوراقنا
ليه ترجع وانت مو قد الوصل؟؟
وليه تحبس بالفراق انفاسنا!!
وليه تجرح قلب لك وسطه محل!!
وليه تنهي حبنا وهيامنا!!
قلتلك 2000 مره لا تزل
لا يغرك هالوفا لوصالنا
كان حبك حب يومين وتمل
ابرك الساعات يوم فراقنا
الظلام انزاح والنور اكتمل
والحقايق بددت اوهامنا
خابت ظنوني وجنبت الغزل
فادنا والاّ عسى ما فادنا
دام حسيت بعلاقتنا ملل
مالنا كود الورق واقلامنا
ودام مات الحلم بعد اللي حصل
البقيّه في حياة اشواقنا....
04-11-2011, 04:02 PM
العرض الشجري