قولولها ماعاد تسوا وانا قول ،،،،، ماني ورا المقفين تباع جره

[الحوشان]

قدله ثلاث ايام مادق معقول
لا والله الا صدق ما دق مره

وقول يمكنه من الوقت مملول
خايف علي اذوق من شين مره


اثره معه غيري على خط مشغول
واكبدي اللي تونس الفين حره

لا تحسبني جاهل الوقت مهبول
يجيبك اللي جابك العام بره

لا تعتذر لا جيت ماهوب بمقبول
عذرك اعرفه كل مره تكره

ابيك في مره معي تصدق القول
وتترك كثير الهرج خيره وشره

قولولها ماعاد تسوا وانا قول
ماني ورا المقفين تباع جره

حرام ما تسوين بل حب دلول
اللي غلاه غير لله دره