قلت .. آه واجــرحآآه من علتـي آه

[الكحيلا]

السلآم عليكم ..

بدون مقدمآت .. القصيده للشآعر عبدالله بن سبيل




يآ آلله يآ اللي تسجد النآس لرضآه
يــآ وامـر ٍ خلقـه علـى حـج بيته

تفرج لمن سده على النآس مآ ابدآه
رآضي على مقسومك اللي عطيته

من شي يسل الحآل والجسم يبرآه
والــنآس مآيشفونه ان مـآ شفيــته

قلت .. آه واجــرحآآه من علتـي آه
وان حملـوني حـمل غــي ٍ قويتــه

قآلوا سفآ بالحآل ويش اللـي اغوآه
قلت آه ويش المنكر اللي وطيتـه .؟

قآلوا ..جهلــت وبــآن علمك لمنهآآه
قلت .. آه علمــي ياملآ مـاكميتــه

قآلوا.. طلبنـآ لك مـن آللـه معافـآه
قلـت.. آه وحــدته وعفـوه رجيتــه

قآلوا هلـه واحبآب عينـه نـصحنآآه
قــلت.. آه هــذآ وآآردٍ مــآ بغيتــه

قآلـوا .. ندور لك من البيض حليآه
قلـت .. آه لـو غيـره بكفـي رميته

قآلوا نشآش العُود .. مآآلك بلآماه
قلـت .. آه عُود الموز بيدي لــويته

قآلوا .. تــزوج كــود تدلـه وتنسـآه
قلـت آه لو خـذت اربع ٍ مـآنسيته

قآلوا من اقصى النآس وين انت ويآه
قلت آه ما انسى يوم جآني وجيته

قآلــوا .. نشـوفه عند هذآآ وهــذآه
قلـت آه عمــره مآعقــب حجر بيته

قآلــوا .. عليل ونــآقــل ٍ دآه بـــردآه
قلــت آه باقــرآبي وروحــي فديتــه

قآلــوا .. نشيــر ولآ نفــع مآحكينآه
قلت .. آه هــراّج النمآآيم عصيتــه

قآلوا .. كثر شيبــك وقلبــك بعميآه
قلــت .. آه لوقلبي غريــر ٍ نهيتـــه ..

مــطــاوع ٍ قلبــي بعجفــآآه وقـــدآه
وآلــى عطــى منهآج درب ٍ عطيته

يــآ نــاس خلــو كل وآدي ومـــجرآه
قلتو .. كثيــر وقولـــكم مــآ لقيتــه



سلآمتكم