قآلو الغدر وشهو الغدر قلت الغدر غدر السنين(حصري)

[سلطان ال شريد]

قآلو الجفآ وشهو الجفآ قلت الجفآ سيفـ(ن) سنين=احد(ن) بيقدر يقهره واحد(ن) مآيقدر يقهره
قآلو الغلآ وشهو الغلآ قلت الغلا ماله وزين=احيان تقدر تستره واحيآن محد(ن) يستره
قآلو الغدر وشهو الغدر قلت الغدر غدر السنين=واللي مشكك فالحكي عاد الليالي بتغدره
قالو القدر وشهو القدر قلت القدر يوم الونين=يشيئ في ماخذ رفيق القلب وانت بتنطره
قالو البحر وشهو البحر قلت البحر للعاشقين=منهو تكدر من حبيبه يزبنه مايخسره
قالو الامل وشهو الامل قلت الامل ياعالمين=منهو تحرا فالامل بيموت ماشاف ثمره
قالو الرجل وشهو الرجل قلت الرجل في (جملتين)=ابنتشأهأ والحكي كنه معلق بشجره
احد(ن) طليق حجاج فعله فالليالي هو يزين=واحد ليا مر العرب صدو وكلن يحقره
((قالو الصدف قلت الصدف ماعشمت طول السنين))=واللي بيامن بالصدف بجيه يوم وتكسره
قالو الوله وشهو الوله قلت الوله الله يعين=احد(ن) من اسباب الوله دايم يبلل محجره
قالو الاسى وشهو الاسى قلت الاسى لاجايبين=يشيب عارض من يذوق امن الأسى مايقهره
قالو الحزن وشهو الحزن قلت الحزن عماة عين=احدن قوي ويصطبر واحدن مايقدر يصبره
قالو الصبر وشهو الصبر قلت الصبر لا زاد زين=يستر فؤوآد(ن) منغبن والعفو عند المقدره
قالو الخطا وشهو الخطا قلت الخطا خلك فطين=ياشينها لاجات من شاطر تخرب مظهره
قالو القلوب اشهي القلوب قلت القلوب بكلمتين=ابختصرها والذكي لاجاه حكيي فسره
قلبـ(ن) يزينه العفاف ومظهره دايم يزين=وقلبـ(ن) حقودن كل من جاله يصد ويحقره