السلام عليكم
قصيدة جديدة ,, للشاعر / ماجد بن مهنا
(( ديرة الاشواق ))
يا بكرةٍ خلت ابكار الفكر فطّر = عقر بعير الضلوع وهجت نياقي
جعل السحاب ان نشى من صوبك ومطّر = يمطر على ديرة الاشواق فاعماقي
قد لي زمن عن بيوت الشعر متشطّر = ومسكر الاقلام , ومسفّط اوراقي
لكنك تردني لطروقي البّطر = وتقلب الذاكره وتقفل اخلاقي
بكيت جفنٍ سبايب جفوتك قطّر = مدري وش اللي يبي منّك ووش لاقي
مالد في هرجة الشامت ولا نطّر = قوافل الدمع لين اصد باحداقي
وعنيت قلبٍ على شوفتْك يتفطّر = يهزه الشوق ويعني قدم ساقي
وش خانة الشعر في ماضيك لو سطّر = مادلّه النفس عنك وحرر وثاقي
القافية جرح وسيوف السهر شطّر = وشلون تفرح طعون الليل عشاقي !؟
فلا سقى الله ساعة بعدك , وعطّر = قبرٍ حضن هقوتي بك يوم انا هاقي
لوان لي خاطرٍ عندك مع الخطّر = مااقول : يكفي جفا , وتقول لي : باااقي
..
.
وسلامتكم
العرض الشجري