|
ذعذع الشوق والدنيا بعيني الظـلام..والوتر جا ينادينـي وجيـت آعـدي
السلام عليكم
واسعد الله اوقاتكم بكل خير
هزّي الغصن لانامت طيور الحمـام=الشتاء طال وآنـا مانسيـت وعـدي
بارد الليل حرّك جمرتيـن الغـرام=لين ذاب الجليد وسال معْـه شهـدي
ذعذع الشوق والدنيا بعيني الظـلام=والوتر جا ينادينـي وجيـت آعـدي
في خيالي كلام وفي لسانـي كـلام=يشعل الليل ويسامر بريـق الجـدي
ليه أقول السهر ياشوق لجلك حرام=ليه وانتي هواي وعزوتـي وبلـدي
نامـت العيـن ولاجعلهـا ماتـنـام=دامها عامره بك والقلـم فـي يـدي
والله اني لاصحّي الورد تحت اللثام=لين يزهر لك بساط الورق لحمـدي
خلّي احلى البنات تقول لك ياسـلام=اكتـب هالكـلام شويعـرٍ مبتـدي
ايه قولي لها انـه شاعـرٍ مستهـام=يكتب الحرف والجرح بخفوقه نـدي
يعشق الريح لاجاته تـزف الغمـام=وان تمايل له النرجس يقول إبعـدي
لجل عيني كتب وآنا لبستـه وسام=وانحنيت احترام وقلت لـه سيـدي
للمبدع | عبدالله بن عبيان
__________________
ليااجتمعت الثنتيـن حاجـة وشيمـة راس=وهـــذي تـنـزلـنـي وهــذيــك تـرفـعـنـي
رفعت النظر والله عطاني نظر واحساس=وهـي ميـزه فـي كــل الاحــوال تنفعـنـي
حيـاة التجـارب علمتنـي وانــا حـسـاس=وخلتني اعرف نظـرة العيـن وش تعنـي
وانا لو بدت لي حاجة عند بعـض النـاس=اريــد الـكـلام وعــزة النـفـس تمنـعـنـي
|
العرض الشجري